Circulares literae dioecesanae anno 1897 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XII.
100 Nr. 6084. Dubia resoluta circa piam sodalitatem a B. Familia. Hine, post decretum 23 Iunii 1886, deficiente hac in quaestione theologorum solutione, quaeritur: 1. Utrum in casu quo nec infamia nec scandalum est in absolutionis dilatione, sed durum valde est pro poenitente in gravi peccato permanere per tempus necessarium ad petitionem et concessionem facultatis absolvendi a reservatis, simplici confessario liceat a censuris S. Pontifici reservatis directe absolvere, iniunctis de hire iniungendis, sub poena tamen reincidentiae in easdem censuras, nisi saltem infra mensem per epistolam et per medium confessarii absolutus recurrat ad S. Sedem ? 2. Et quatenus negative, utrum simplex confessarius eumdem poenitentem indirecte absolvere debeat, eum monens ut a censuris directe in posterum a superiore absolvi curet, vel apud ipsum revertatur, postquam obtinuerit facultatem a reservatis absolvendi ? Feria IV, 16 Junii 1897. In Congregatione generali S. R. et U. Inquisitionis habita ab Em. ac Rm. DD. Cardinalibus in rebus fidei Gen. Inquisitoribus, propositis suprascriptis dubiis, praehabitoque RR. DD. Consultorum S. O. voto, iidem Em. ac Rm. DD. respondendum censuerunt: Ad I. Affirmative, facto verbo cum SSmo. Ad II. Provisum in primo. Insequenti vero feria VI, die 18 eiusdem mensis et anni, in solita audientia R. P. D. Adsessori S. O. impertita, facta de omnibus SSmo D. N. Leoni PP. XIII relatione, idem SSm. Dm. Em. Patrum resolutionem adprobavit. I. Can. MANCINI S. P. et U. I. Not. E VICARIATU URBIS. Plures Rmi Ordinarii varia Dubia proposuerunt solvenda circa hanc Piam Adsociationem, quorum praecipua, intra Romanam Ephemeridem Analecta Ecclesiastica, ut nota fiant, quibus interest, referri permittimus. Dubium I. — An ii, qui cum familia quadam mensa communi utuntur et familiariter vivunt, in sociorum numerum adscisci cupientes, sub nomine illius familiae percipi possint ? Affirmative, sed in Regesto Parochiali adnotanda sunt nomina et cognomina et circumstantia cohabitationis. Dubium II. — An ii, quibus societas cum certa familia non est, ad communes preces domesticas recitandas cuilibet familiae se adiungere possint, et hoc modo indulgentias concessas lucrentur? Affirmative, dummodo qui familiae ad recitandas preces consociantur, iam nomen dederint Piae Consociationi. Dubium III. — An ad indulgentias plenarias et partiales lucrificandas sufficiat sola adscriptio in tabulas Piae Consociationis ? Provisum in statutis et Regulis, — Requiritur adscriptio et simul recitatio precum.
