Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

X.

79

Ad communem omnium, quibus scire expedit, perfertur notitiam, Venerabilem Fratrem Nostrum ac Vicarium Generalem, Illmum ac Rmum Dnum Josephum Eppum Boltizár, confirmationis sacramentum fidelibus dispensaturum sequenti ordine:

17 Maii seu Dominica VI. post Pascha in Komárom;

24 et 25 Maii seu Dominica Pentecostes cum feria sequenti in collegiata ecclesia ad s. Martinum Posonii;

31 Maii seu Dom. ss. Trinitatis in Nagymaros, pro fidelibus quoque parochiae Visegrád ;

1 Junii in Garam-Kövesd, pro parochianis ecclesiarum Bajta et Helemba;

2 Junii in Szob, pro fidelibus Maria-Nostra et Kóspallag ;

10 Junii in Szalka, fidelibus parochiae Börzsöny, Kisgyarmat et Tölgyes ;

11 Junii in Kemencze, pro parochianis Ipolyszakállos, Pereszlény, Szete et Vámos-Mikola ;

29 Junii 1 seu festo ss. A. A. Petri et Pauli in basilica primatiali, fidelibus metropoleos nostrae ac oppidi Párkány.

Quibus ad notitiam vestram perlatis, non possumus Venerabiles Fratres, quin pauca de hoc Sacramento, cuius vi renati fonte baptismatis veri Christi milites efficiuntur, edissarumus.

Certum quidem est Sacramentum Confirmationis non ad necessitatem salutis requiri, sed ut eius virtute optime instructi ac parati inveniamur, cum nobis pro Christi fide pugnandum erit. Gratia etenim huius Sacramenti repleti Apostoli vitute magna reddebant testimonium resurrectionis Jesu Christi Domini nostri (Act. IV. 33.); hac ditati innumeri fideles cuiuslibet aetatis, sexus ac conditionis intrepida ac plane divina fortitudine dirissima perpessi sunt tormenta pro fide ; hac instructi plurimi fidei nostrae professores mirabilia in vita sua operari visi sunt. Tanta septiformis Spiritus Sancti virtus pernecessaria sane, ac ferventibus votis exoranda venit male feriatis hisce diebus, quibus fidei ac religionis puritas et integritas undequaque impetitur, morumque corruptio impune triumphat.

Unde nemo non videt vestrum, Ven. Fr., quanta esse debeat diligentia in huius Sacramenti praestantia ac virtute fidelibus enodanda, et, licet penitus ad salutem minime sit necessarium, omnis vestra collocanda industria, ut a nemine praetermittatur, neque in re sanctitatis plena aliqua negligentia committatur.

Vester itaque zelus in id incumbat, ut huius Sacramenti suscipiendi praeceptum, summamque utilitatem fideles vestros edoceatis, ac parentes, tutores aliosque quos vobis subiectos habetis, gravi detineri munere curandi, ubi adsit opportunitas, ut sibi subditi s. chrismate deliniantur, vehementer inculcetis. Identidem et praecipue

13

Nr. 2109.

Confirmationis

Sacramenti

dispensatio.