Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
III.
28 S. CONGREGATIO INDULGENTIARUM. URBIS ET ORBIS. Nr. 843. Indulgentia pro expositione Sanctissimi in hebd. Septuagesimae etc. Cum alias s. m. Benedictus XIV. ad frequentes Episcoporum Pontificiae ditionis querelas gravioribus abusibus, qui bacchanalium tempore irrepserant, opportuno remedio occurrere concupiverit, perspexeritque in aliquibus ecclesiis salutari consilio institutam esse sanctissimi Eucharistiae Sacramenti expositionem per tres dies sive in hebdomada Septuagesimae, sive in altera Sexagesimae, aut Quinquagesimae ante diem Cinerum, ad hoc praecipue, ne fideles tempore tenta- tionis a via Domini recederent, et in praedictis ecclesiis pie orantes divina impetrarent auxilia, universis utriusque sexus Christifidelibus confessis et sacra Communione refectis, qui easdem ecclesias, in quibus Venerabilis expositio sive in uno, sive in singulis praedictis triduis fieret, devote visitarent, indulgentiam plenariam misericorditer concessit et indulsit; hinc Sanctissimus Dominus Noster Clemens Divina Providentia PP. XIII. sedulo recogitans, praefatam Augustissimi Sacramenti expositionem plurimum hisce diebus profuisse, ac deinceps fore profuturam, eamdem plenariam indulgentiam ad quascumque catholici orbis ecclesias ubicumque locorum existentes, ubi Venerabilis expositio sive in hebdomada Septuagesimae, sive Sexagesimae, aut Quinquagesimae, sive in singulis praedictis hebdomadis per tres dies, atque etiam si tantummodo in feria V infra hebdomadam Sexagesimae peragatur, ex uberi pontificiae charitatis fonte benignissime extendit. Datum Romae ex Secretaria Sacrae Congregationis Indulg. die 23 Julii 1765. N. Card. ANTONELLUS Praef. S. BORGIA, Sac. Congr. Indulg. Secret. URBIS ET ORBIS. Nr. 844. Indulgentiae piis erga s. Iosephum obsequiis mensis Martii concessae. Cum in patrocinio S. Iosephi, sponsi b. Mariae virginis, maxima populo christiano iuvaminis et praesidii spes in dies effulgeat, sanctissimus Dominus noster Pius papa IX., quamplurim fidelium votis benigne annuens, per rescriptum secreta- riae brevium die 12. Iunii 1855 concessit omnibus christifidelibus peragentibus integro mense Martio pium exercitium, quod in libro Romae impresso continetur, cui titulus : Considerazioni delle virtu del s. patriarca Giuseppe a dedicargli il mese di Marzo : indulgentiam tercentum dierum quolibet die, plenariam vero in uno dierum mensis ad arbitrium eligendo, quo confessi et sacra communione refecti iuxta mentem Sanctitatis suae oraverint. Nunc vero idem sanctissimus, ut erga tantum coelestem patronum devotio magis magisque augeatur, et illa precationis methodus facilius ac latius propagetur, in audientia diei 27. Aprilis 1865 habita ab infrascripto cardinali praefecto, clementer indulsit, ut easdem indulgentias universi christifideles lucrari possint, dummodo pium aliquod precum ac virtutum exercitium per integrum mensem Martium peregerint ad instar illarum, quae mense Maio in honorem b. Mariae V. solent persolvi, servato in reliquis tenore primae concessionis. Voluitque Sanctitas sua has indulgen-
