Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XXI.
178 Nr. 4216. De Indulgentiis adnexis recitationi Orationis „Angelus Dni“ et Antiphonae „Regina Coeli“. Calcedonius Mancini Presbyter Congregationis Missionis et Redactor „Ephemeridum Liturgicarum“ duorum insequentium dubiorum a Sacra Congregatione Indulgentiis Sacrisque Reliquiis praeposita solutionem humiliter postulat: I. An in Sabbatis Quadragesimae, in quibus Vesperae anticipantur ante meridiem, oratio „Angelus Domini“ ipso in meridie recitari debeat stando, ut recitatur stando antiphona finalis Vesperarum, an potius flexis genibus, ad indulgentias lucrandas? II. An iuxta normas praescriptas a Sylloge authentica Orationum et piorum Exercitiorum edita a S. Cong. Indulgentiarum anno 1886 decreto diei 21 Maii, ad lucrandas Indulgentias Sabbato infra Octavam Pentecostes recitanda sit, meridie, oratio „Angelus Dni“ vel antipliona „Regina Coeli?“ Et in plenaria Congregatione die 5 Martii 1896 in Aedibus Vaticanis habita, Patres Cardinales responderunt: „Consulendum SSmo qro opportuna declaratione quoad utrumque dubium.“ Die vero 20 Maii eiusdem anni in Audentia habita ab infrascripto Cardinali Sac. Congr. Praefecto, SSmus D. N. Leo Papa XIII benigne declaravit: in Sabbatis Quadragesimae orationem „Angelus Domini“, meridie, recitandam esse stando: Sabbato vero infra Octavam Pentecostes, meridie, recitandam esse antiplionam „Regina Coeli“ Datum Romae ex Secretaria eiusdem S. Congregationis, die 20 Maii 1896. A. Card. STEINHUBER, Praef A. Archiep. Nicopolit., Secret. Intempestivum descendere nubibus imbrem a longiori iam tempore oculis experimur nostris damnaque orta exinde clamat populus, alta ex spe deiectus. Quo igitur Deus, qui solus imperare potest vento et mari, propitius respiciat tribulationem, qua iuste affligimur, eique misericors quo ocyus finem imponat, praesentibus dispono ut in omnibus missis (dum per rubricas licet) addatur oratio seu collecta „ad postulandam serenitatem“ (in Missali inter diversas Nr. 17.), quoad misericordiarum Pater, hilaritatem vultus sui nobis impertiri dignatus fuerit. Nr. 4192. Oratio imperata : „ad postulandam serenitatem“ praescribitur. Nr. 4174. Consecratio Ecclesiae honoribus Magnae Dominae dicatae in supercilio montis arcisque Buda. Die 15 Augusti a. c. seu luce B. M. V. Assumptae sacra, assistentibus Venerabilibus Fratribus Josepho Boltizár, Eppo tit. Mylasensi, Vicario meo Generali atque Ioanne lung, Eppo tit. Rosaliensi, auxiliari Vaciensi, magnaque circumdatus Cleri ac Fidelium caterva, solemni ritu dedicavi insigne Magnae Hungarorum Dominae delubrum, ecclesiam nempe perantiquam, quae a Mathia Corvino Rege vulgo apellatur, quaeque vastationibus identidem disiecta ac eversa, novis molitionibus ab interitu veluti vindicata, nunc demum pristino decori restituta est. Annua faustitatis, huiusque celebritatis liturgica memoria, quotannis Dominica festum Assumptionis B. M. V. praecedente exflt ritu classico cum octava recolenda. Datum Strigonii 24 Aug. 1896. Claudius Card- AEppus.
