Circulares litterae dioecesanae anno 1896 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

III.

15

III.

Antiqua disciplina liturgica, adinstar principii seu normae statuens, Missam in aliena ecclesia conformem esse debere celebrantis officio, nisi aut loci solemnitas, aut coloris diversitas aut ritus qualitas praescriberent vel permitterent cum officio ecclesiae conformitatem, evulgato recentissimo S. R. C. decreto Urbis et Orbis d. d. 9 Julii et a Beatissimo Patre 9 Decembris 1895 adprobato (vide Circul. Adioec. XXII. a. 1895. pag. 168.), penitus est immutata.

Laudatum etenim decretum, revocatis superioribus S. R. C. rescriptis, tum particularibus, (16. Apr. 1834. ord. s. Joann. — 24. Febr. 1890. Novarien. etc.) tum generalibus (27. Sept. 1659. Urbis et Orbis.) in contrarium facientibus, ad omnes difficultates evellendas certasque normas tradendas, antiquum ita immutavit principium ut nemini sacerdotum liceat aliam deinceps missam celebrare, nisi illam, quam Calendarium ecclesiae, in qua sacrum fit, exhibet, esto ibidem agatur de festis Sanctorum propriis aut Beatorum ordini alicui religioso concessis. Exigit siquidem Decretum generale disertis verbis, ut sacerdotes „Missas omnino celebrent officio vel oratorii conformes, sive illae in Romano, sive in Regularium Missali contineantur.“ Itaque regulares in saecularium ecclesiis celebrantes horum, saeculares vero in regularium templis sacrum facientes, eorum pariter Ordini divino seu Calendario semet accomodare debent et per omnia eidem conformare.

Ex quo inferes, in aliena ecclesia vel oratorio publico celebrantem non posse amplius Calendarium suum sequi, illudque negligere teneri, sive quoad Symbolum, sive quoad commemorationes, sive quoad Praefationem propriam. Nec posse amplius proprium suum ritum considerare sive duplex sit, sive semiduplex, imo etsi classicum; sed standum semper et omnino Calendario loci, in quo celebrans sacrum facit, iliique perfecte se conformandum. Proinde celebrans in ecclesia aliena, cuius Ordo divinus officium ritus semiduplicis vel inferioris adnotat, poterit pro suo arbitrio aut ecclesiae officio aut proprio Missam conformem facere, vel de Requie, vel aliquam ex votivis, vel etiam de feria maiori occurrente (S. R. C. 30. Aug. 1892. Strigonien.), etsi celebrans eadem die festum ritus duplicis in suo Calendario habeat.

His iam praemissis, quum Tabella, quam Directorium Archidioecesanum pag. 14. exhibet, penitus sit antiquata, pro non existente habenda, nec amplius attendenda. Quod cum eo publicatur, ut tum parochialium, tum regularium et aliarum ecclesiarum Rectores, novas Generali Decreto stabilitas normas executioni mandent, nulloque modo permittant ut occurrente festo duplici, aliae ab exteris celebrentur Missae, nisi quae secundum rubricas et proprium Directorium eadem die ibidem licent.

3

Nr. 740.

De missa in aliena ecclesii celebranda-