Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
VI.
47 S. POENITENTIARIA APOSTOLICA Nullitate laborat executio dispensationum matrimonialium,, si fiat antequam Curia exceperit Apostolicum Documentum. Eme. et Rme. Princeps. Notum est quod dispositione juris (Cap. 12. De Appellationibus, Cone. Trid. Sess XXII. Cap. V. de Ref.) Ordinarius Diocesanus nullam habet jurisdictionem ut exeeutioni mandet Brevia Apostolica super dispensationibus matrimonialibus, priusquam habuerit documentum originale. His positis, Episcopus Nicoterin. et Tropien. humiliter E. V. Rmam deprecatur ut dignetur sequentia quaesita solvere: 1. Applicaturae haec canonica dispositio etiam iis dispensationibus matrimonialibus, quas, vix ac conceduntur, Ordinario manifestat Expeditionarius Apostolicus in Urbe commorans ? 2. Quid faciendum si hodiernus Episcopus invenit, quod nonnulla matrimonia in urgentissimis casibus contracta fuerunt post monitionem Expeditionarii, et antequam Curia excepisset Breve originale, dum partes in bona fide versantur. Sacra Poenitentiaria, mature perpensis expositis, respondet: Ad 1. Affirmative. Ad 2. Opus esse nova dispensationum exeeutione. Datum Romae in S. Poenitentiaria die 15. Ian. 1894. N. AVERARDIUS, S. P. Reg. V. Can. LUCCHETTI, S. P. Secrius. Placuit vitae mortisque Domino, fidelem suum ac bonum servum Réh Joannem, archidioeceseos huius sacerdotem semisaecularem, instituti s. Adalberti seniorem et Cleri quondam iunioris spiritualem, primo mane diei 20 Februarii a. c. ex hac lacrimarum valle, ad meliorem eamque aeternam evocare vitam. Vixit annos 74, ex quibus 51 in ministerio altaris explevit; mortuus est in Meran Tyrolis, ubi inde a triginta annis vitam degit. Simus ad altare memores piae animae, quae ex hostia salutari, quam offeremus, non tantum solatium percipiet, sed et locum refrigerii, lucis ac pacis sempiternae — Deo largiente — acquiret. Calendis Martii a. c. hora decima matutina, morte iustorum obita de militia huius vitae migravit cum signo fidei: Miklosovich Aloysius eccl. collég, ad S. Martinum in Pozsony Canonicus, Praepositus tit. s. Martini de Orod, sacerdos iubilaris in annum sextum. Vixit annos 79. in altaris servitio 56. Juvemus pie denati fratris animam suffragiis, potissimum vero acceptabili altaris sacrificio, ut ad indulgentiam et refrigerium sempiternum pervenire mereatur. Czobor Julius, adioec. presbyter, qui munere professoris p. o. fungebatur vicesque concionatoris hungarici explebat in Fiume, aegre valere incipiens finemque fortassis vitae praesentiens suae, ita est natalis soli dulcedine allectus, ut sine mora Nr. 1162. Nr. 1244. Obitus RÓll Joannis. Nr. 1245. Mors Miklosovich Aloysii Canonici. Nr. 1246. Obitus Czobor Julii.
