Circulares litterae dioecesanae anno 1895. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIV.
Ill XIY. DECRETA 8. E. CONGREGATIONIS. I URBIS ET ORBIS. Iure sane ac merito Festum B. Mariae Virginis, Deiparae ab Angelo salutatae, ab antiquissimis temporibus institutum, et penes Latinam Ecclesiam et Graecam pari solemnitate celebratum est : siquidem Dominicae Incarnationis Mysterium tamquam ceterorum fundamentum Sacra Liturgia profitetur. Hinc Apostolicae Sedi supplicia vota haud semel porrecta sunt, ut Festum ipsum Annuntiationis B. M. V. ad maximum ritum in Universa Ecclesia eveheretur. Itaque Sacra Rituum Congregatio in peculiari coetu, pro nova Decretorum authentica Collectione evulganda, ad Vaticanum subsignata die habito, omnibus mature perpensis, rescribendum censuit: Festum Annunciationis B. M. V. die 25 Martii occurrens, in universa Ecclesia ritu duplici primae classis amodo recolendum esse, cum omnibus iuribus celebriorum festorum propriis, etsi Octava carens ob temporis quadragesimalis rationem. Ceterum, quotiescumque vel Feria VI. in Parasceve, vel Sabbato Sancto hoc Festum impediatur, toties Feria II. post Dominicam in Albis, tamquam in sede propria, ut antea, reponatur : in qua integra cum solemnitate ac feriatione sed sine Octava, prouti die 25 Martii, celebrabitur. Quando vero illius tantummodo impediatur Officium, ad enuntiatam pariter Feriam II. amandetur, ac nonnisi Festo primario eiusdem ritus occurrente valeat impediri : quo in casu, in sequentem diem similiter non inpeditam transferatur. Die 23 Aprilis 1895. Facta postmodum Sanctissimo Domino nostro Leoni Papae XIII per infra- scriptum Cardinalem Sacrorum Rituum Congregationi Praefectum de hisce omnibus relatione, Sanctitas Sua sententiam eiusdem S. Congregationis ratam habere et confirmare dignata est. Die 27 Maii, eodem anno. CAI. Card. ALOISI-MASELLA, S. B. C. Prae/. L. f S. ALOISIUS TRIPEPI, Secret. ii. A Rmis locorum Ordinariis non semel postremis hisce annis exquisitum fuit, utrum in Ecclesiis adhiberi liceret lucem electricam tam ad dissipandas tenebras, quam ad pompam exteriorem augendam. Nuper vero Sacrorum Rituum Congregationi 21 Nr. 4383. Festum Annuntiationis B. M. V. ad ritum classicum evehitur. Nr. 4384. De luce electrica adhibenda in eccl.
