Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
XIX.
212 VICARIATUS APOSTOLICI CAROLINAE SEPTENTRIONALIS. Nr. 6821. Bina S. R. C- decreta publicantur. Rmus D. Leo Haid 0. S. B. Vicarius Apostolicus Carolinae Septentrionalis in Foederatis Americae Provinciis Sacrae Rituum Congregationi sequens Dubium pro opportuna solutione humillime subiecit, nimirum: „Iu Ecclesiis quarum Patronus seu Titularis est Sanctus Ioannes Baptista, quanam oratione utendum est pro suffragio eiusdem in Laudibus et Vesperis, scilicet: Oratione de Nativitate an de Decollatione Praecursoris ?“ Et Sacra eadem Congregatio, ad relationem infrascripti Secretarii, exquisito voto alterius ex Apostolicarum Caeremoniarum Magistris, ita proposito Dubio rescribendum censuit, videlicet: Recitanda Oratio de festo Nativitatis, immutata voce Nativitate in vocem Commemoratione. Atque ita rescripsit et servari mandavit die 23. Iunii 1893. CAI. Card. ALOISI-MASELLA S. R. C. Praef. Yincentius Nussi Secretarius. PORTUS LUDOVICI. Rmus D. Leo Meurin Archiepiscopus, hodiernus Episcopus Portus Ludovici Sacrae Rituum Congregationi sequens Dubium pro opportuna solutione humillime subiecit, nimirum: Quum in quibusdam Ecclesiis usus invaluerit recitandi, post Missas privatas quae pro animabus in purgatorio detentis in Altari privilegatio celebrantur, plures preces indulgentiis ditatas, scilicet: De profundis, actus fidei, spei et caritatis, S. Cor. Mariae, ora pro nobis, et orationem pro defunctis, quaeritur: utrum preces a Sanctissimo Domino Nostro Leone XIII. post Missam privatam recitari praescriptae in casu praedicto omitti possint: Et quatenus Negative, utrum memoratae preces pro defunctis illis adiici valeant? Et Sacra eadem Congregatio, ad relationem infrascripti Secretarii, re mature perpensa, ita proposito Dubio rescribendum censuit, videlicet: Negative ad primam partem; Affirmative ad secundam. Atque ita rescripsit die 23. Iunii 1893. CAI. Card. ALOISI-MASELLA S. R. C. Praef. Yincentius Nussi Secretarius. Nr. 6697. Rationum ecclesiae secundum exemplar, Ordinariatui substernendum pro su- perrevisione, hungarica semper lingua exarandum. Circularibus anni 1880 d. d. 13. Novembris Nr. 5158. dispositum est, ut rationes ecclesiarum illa conficiantur lingua, quam Syndici quoque intelligunt ac callent. Perbene notae sunt circumstantiae et causae, quae talem dispositionem provocarunt, cui proinde utpote sapientissimae, nihil derogare volumus. Nihilominus cum non omnes Archidiaconi, quibus officium rationes ecclesiarum superrevidendi incumbit, linguam calleant slavicam, hisce omnibus iniungitur, ut praeter exemplar rationum lingua populi fidelis exaratum, conficiatur idiomate semper hungarico et alterum, Officio' Adioecesano substernendum.
