Circulares litterae dioecesanae anno 1893. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae

III.

15

ut pace Ecclesiae restituta augeat numerum gloriosorum triumphorum, quos Sanctitas Vestra de hostibus christiani nominis iam et hucusque reportavit, custodiat pretiosissimam Sanctitatis Vestrae vitam, foveat fidelis populi filialem erga Sanctitatem Vestram adhaesionem, sedatisque turbinum ventis concedat Ecclesiae pacem illam et tranquillitatem, quae exsuperat omnem mentem. Haec filialia vota e sinu meo, Cleri atque fidelis populi, curae meae crediti, coram Sanctitate Vestra in omni humilitate et filiali cum devotione depromendo in reliquo ad geuua provolutus, in reverenti beatorum pedum osculo persisto Strigonii in Hungária die 20. Decembris 1892. Claudius Franciscus Vaszary, Princeps-Primas Archi-Episcopus Strigoniensis.

Ad has litteras sequens obtinere merui benignissimum i'esponsum:

LEO PP. XIII.

VENERABILIS FRATER, SALUTEM ET APOSTOLICAM BENEDICTIONEM.

Tuum erga Nostram incolumitatem studium et devota huic apostolicae Sedi voluntas planius et aptius exprimi non poterant, quam per Te factum est in iis litteris, quas redeunte Domini natali die scripsisti Nobis officiosissime. Eas proinde benigne accepimus et perlibenter legimus. Omnia porro quibus ornavisti gratulationem tuam eiusmodi erant quae laetitiae solemnium, quae instabant, praesenti Ecclesiae necessitati, pietati Tuae et optatis Nostris mirifice convenirent. Quare ea non modo gratissima habuimus, sed et vota Nostra tuis adiunximus orantes Deum, ut ad utriusque Nostri et bonorum omnium commune solatium ea dignetur implere quantocius et cumulate. Interim vero donec plena affulgeat pacis serenitas, suppliciter petimus ut tempestatis saevientis leniatur asperitas, validasque Tibi non secus ac Nobis a Deo adprecantes vires ne fluctibus cedamus adversis. Apostolicam benedictionem, caelestium donorum auspicium Tibi, Venerabilis Frater, clero et fidelibus tuae vigilantiae concreditis peramanter impertimus.

Datum Romae apud S. Petrum die IX. Januarii anno MDCCCXCIII., pontificatus Nostri decimo quinto.

Strigonii, die 6-a Februarii 1893.

LEO PP. XIII. m. pr.

STRIGONIEN.

Maximopere sollicitus Rmus Ordinarius Archidioecesis Strigonien. in Hungária ut ritus omnes, qui ad divinum cultum pertinent, in sua Archidioecesi prorsus peragantur juxta liturgicas praescriptiones, Sacrani Rituum Congregationem adivit pro opportuna resolutione sequentium Dubiorum, nimirum:

Dubium I. Missa votiva de Ss. Corde Jesu, quae ex Decreto S. R. C. diei 28. Junii 1889. celebrari permittitur feria VI. quae est in calendis cuiuscumque

Nr. 1085.

S. Eit. Congregatio solvit dubia ex Archi-Dioe- cesi Strigo- niensi proposita.