Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae
IV.
21 12. Conferendi ordines extra tempora, et non servatis interstitiis usque ad sacerdotium inclusive. 13. Dispensandi super defectu aetatis unius anni ob operariorum penuriam, ut promoveri possint ad sacerdotium si alias idonei fuerint. 14. Conficiendi olea cum quinque saltem sacerdotibus, non tamen extra fiiem coenae Domini, nisi necessitas aliud urgeat. 15. Celebrandi bis in die, si necessitas urgeat, ita tamen ut in prima missa von sumpserit ablutionem, per unam horam ante auroram, et aliam post meridiem, sine ministro, sub dio, et sub terra, in loco tamen decenti, etiam si altare sit fractum, vel sine reliquiis sanctorum, et praesentibus haereticis, schismaticis, infidelibus, et excommunicatis, si aliter celebrari non possit. Caveat vero, ne praedicta facultate, seu dispensatione celebrandi bis in die aliter, quam ex gravissimis causis et rarissime utatur, in quo graviter ipsius conscientia oneratur. Quodsi hanc eamdem facultatem alteri sacerdoti iuxta potestatem inferius apponendam communicare, aut causas ea utendi alicui, qui a S. Sede hanc facultatem obtinuerit, approbare visum fuerit, serio ipsius conscientiae injungitur, ut paucis dumtaxat, iisque maturioris prudentiae, ac zeli, et qui absolute necessarii sunt, nec pro quolibet loco, sed ubi gravis necessitas tulerit, et ad breve tempus eamdem communicet, aut respective causas approbet. 16. Deferendi sanctissimum Sacramentum occulte ad infirmos sine lumine, illudquo sine eodem retinendi pro eisdem infirmis, in loco tamen decenti, si ab haereticis, aut infidelibus est periculum sacrilegii. 17. Induendi se vestibus saecularibus, si aliter, vel transire ad loca eorum curae commissa vel in eis permanere non poterunt. 18. Recitandi rosarium, vel alias preces, si breviarium secum deferre non poterunt, vel divinum officium ob aliquod legitimum impedimentum recitare non valeant. 19. Dispensandi, quando expedire videbitur, super esu carnium, ovorum, et lacticiniorum tempore jejuniorum et praesertim quadragesimae, non tamen per generale indultum sed in casibus particularibus. 4 20. Communicandi has facultates in totum, vel in partem, prout opus esse secundum eius conscientiam judicaverit, sacerdotibus idoneis, in conversione animarum laborantibus, et praesertim tempore sui obitus; ut sede vacante sit, qui possit supplere donec sedes apostolica certior facta, quod quamprimum fieri debebit per delegatos, aut unum ex eis, alio modo provideat. 21. Et praedictae facultates gratis, et sine ulla mercede exerceantur, et ad quinquennium tantum concessae intelligantur. 22. Utendi eisdem facultatibus in civitate et Dioecesi Strigoniensi. Datum Romae ex aedibus dictae S. Congr. die et anno ut supra. f IGNATIUS Archiep. JAMIATHEN Secretarius. Strigonii, die 16-a Februarii 1892.
