Circulares litterae dioecesanae anno 1892. ad clerum archi-dioecesis strigoniensis a Claudio Francisco Vaszary principe primate regni Hungariae et archi-episcopo dimissae

XXV.

169

VENERABILI FRATRI ILLUSTRISSIMO AC REVERENDISSIMO DOMINO

EERDINANDO CSELKA,

ELECTO EPISCOPO, PRAEPOSITO SS. TRINITATIS DE FELHÉVVIZ, E. M. STRIGONIENSIS CANONICO

ETC. ETC.

Salutem in Domino Sempiternam!

Quum onus episcopalis ministerii tanti sit momenti, ut etiam ipsis angelicis humeris formidandum videatur, Nosque gregem Domini copiosissimum acceperimus pascendum, opere pretium duximus in administratione Archi-Episcopatus Strigoniensis quem Sanctissimus Dominus Noster Leo Papa XIII. nostrae imbecillitati superimposuit, Vicarios idoneos advocare, et quidem unum generalem Strigoniensem et duos Arclii-Episcopales videlicet Tirnaviensem et pro erecto a Nobis recenter Districtu Budapestiensi Budapestiensem. Dum autem de Vicario Arcln-Episcopali Districtui Vi- cariali Budapestiensi praeficiendo cogitavimus, aciem mentis Nostrae convertimus in Venerabilem Fraternitatem Vestram, de cuius fidelitate, probitate, scientia, in agendis experientia et dexteritate plene confisi, nil dubitavimus, quin in Eadem fidelissimum adjutorium habituri simus. Quapropter tenore praesentium Venerabilem Fraternitatem Vestram Vicarium Nostrum AEpiscopalem et Causarum Auditorem Budapestiensem nominamus atque constituimus, sequentes una Eidem impertiendo facultates, intra ambitum erecti a Nobis Districtus Vicarialis Budapestiensis exercendas:

1. Subdelegamus omnes sine exceptione facultates a Sacra Poenitentiaria Romana ad quinquennium ddto 12. Februarii a. 1892. pro foro interno Nobis concessas et in Circularibus Dioec. litteris a. 1892. pag. 22. communicatas.

2. Subdelegamus omnes pro foro externo a. S. Sede Apostolica ad quinquennium ddto 20-ae Decembris 1891. acceptas facultates et in Circularibus Dioeces. litteris a. 1892. pag. 20. communicatas.

8. Tribuimus potestatem a quibusvis Nobis reservatis casibus et peccatis absolvendi, hancque facultatem cum aliis quoque approbatis Confessariis, nec non iis, qui eminenti scientia et pietate praestant, communicandi et subdelegandi. Item potestatem sive saeculares sive regulares presbyteros, praemisso semper eorum examine, ad audiendas Christi fidelium confessiones approbandi, et approbatis exercitium jurisdictionis in sacro poenitentiae tribunali impertiendi et impertitam jurisdictionem e causa sufficienti revocandi. Neopresbyteris Nostris ipsi de jurisdictione providebimus.

4. Impertimur facultatem constituendi atque nominandi Confessarios ordinarios, atque extraordinarios Monialium atque Sororum diversarum Congregationum in Archi-Dioecesi existentium. De nominatis vero et constitutis taliter confessariis Nobis in omni casu referendum erit.

5. Impertimur potestatem dispensandi in bannis, matrimoniis praemittendis, nec non in impedimentis impedientibus, in quibus Episcopi jure proprio dispensant.

6. Rectoribus parochiarum infirmis, vel alia de causa insufficientibus, ad