Circulares litterae dioecesanae anno 1891. ab ordinariatu archi-episcopali strigoniensi ad clerum archi-dioecesanum dimissae
I.
6 Mandato itaque Summi Pontificis obtemperans, Sacra Rituum Congregatio ad Eminentiam Vestram exemplar earumdem Litterarum transmittit, additis simul duabus precum formulis, iubente atque adprobante Ipsa Sanctitate Sua, editis, scilicet Consecrationis familiarum Sacrae Familiae, et Orationis ante venerandam Illius imaginem quotidie ab ipsis recitandae. Interim Eminentiae Vestrae Manus humillime deosculor. Eminentiae Vestrae Romae die 10 Decembris 1890. Humillimus addictissimus famulus, f Caj. Card. ALOISI MASELLA, S. Hit. Congr. Praef. FORMULA recitanda a christianis Familiis quae se Sacrae Familiae consecrant. O Jesu Redemptor noster amabilissime, qui e caelo missus ut mundum doctrina et exemplo illustrares, maiorem mortalis tuae vitae partem in humilis domo Nazarena traducere voluisti, Mariae et Josepho subditus, illamque Familiam consecrasti, quae cunctis christianis familiis futura erat exemplo, nostram hanc domum, quae Tibi se totam nunc devovet, benignus suscipe. Tu illam protege et custodi, et sanctum tui timorem in ea confirma, una cum pace et concordia christianae caritatis; ut divino exemplari Familiae tuae similis fiat, omnesque ad unum quibus ea constat, beatitatis sempiternae sint compotes. O amantissima Jesu Christi Mater et mater nostra Maria, tua pietate et clementia fac ut consecrationem hanc nostram Jesus acceptam habeat, et sua nobis beneficia et benedictiones largiatur. O Joseph, sanctissime Jesu et Mariae custos, in universis animae et corporis necessitatibus nobis tuis precibus succurre; ut tecum una et beata Virgine Maria aeternas divino Redemptori Jesu Christo laudes et gratias rependere possimus. ORATIO quotidie recitanda ante imaginem Sacrae Familiae. O amantissime Jesu, qui ineffabilibus tuis virtutibus et vitae domesticae exemplis familiam a te electam in terris consecrasti, clementer aspice nostram hanc domum, quae ad tuos pedes provoluta propitium te sibi deprecatur. Memento tuam esse hanc domum; quoniam tibi se peculiari cultu sacravit ac devovit. Ipsam benignus tuere, a periculis eripe, ipsi in necessitatibus occurre, et virtutem largire, qua in imitatione Familiae tuae sanctae iugiter perseveret: ut mortalis suae vitae tempore in Tui obsequio et amore fideliter inhaerens, valeat tandem aeternas tibi laudes persolvere in caelis. O Maria, Mater dulcissima, tuum praesidium imploramus, certi divinum tuum Unigenitum precibus tuis obsecuturum.
