Circulares litterae dioecesanae anno 1891. ab ordinariatu archi-episcopali strigoniensi ad clerum archi-dioecesanum dimissae

XIX.

185

XIX.

V en. Capitulum E. M. Strigoniensis, deputatis abs se sex membris, di( 17-a currentis homagium suum ben. nominato Principi, Primati Hungáriáé et Archi Episcopo Strigoniensi, Celsissimo ac Rssimo Domino Francisco Claudio Vaszarj exhibendo, interprete Illmo ac Rssimo Domino Antonio Sujánszky, his novum Archi praesulem salutavit ex intimo corde prorumpentibus verbis:

Nr. 5740.

3 Salutatio ben.

nominati D.

" Prine. Prima- . tis et Archi- Episcopi per _ Ven. Capitulum E. M. S.

Celsissime Princeps, Primas Regni Hungáriáé,

Arclii-Episcope, Domine Gratiosissime!

Deposito lugubrium vestium apparatu, animique dolore, quamvis acerbo, in gaudium verso, Celsitudinem Vestram devotissimum Metr. Capitulum Strigoniense, in praesenti per nos, ad osculum sacrarum manuum acclines, toto e corde salutat et veneratur.

Dum igitur tristi hoc tempore per apostoliéi Regis clementiam, lubenter annuente Sanctissimo Patre Leone XIII. Pontifice Maximo, hac fidei christianae columna, omnisque veritatis catholicae fundamento beatos nos et erectos, Archidioece- simque viduitatis suae luctu ereptam esse summa cum animi exultatione profitemur; una eam mirabilem et a Deo factam declaramus, quum Ecclesiam hungaricam talis ac tanti viri concreditam sciamus sapientiae et gubernationi, qui B. Astrici, per plura abhinc saecula S. Benedicti filii, non solum intuitu religiosi Ordinis et Archiepisco- palis dignitatis, sed et fulgore omnis generis virtutum consors est et socius; mirabilem et a Deo factam praedicamus spe quoque futurorum, quae per Celsitudinis Vestrae animi fortitudinem, ingenii acumen, zelum apostolicum, infucatam pietatem, amplissimam divinarum humanarumque rerum cognitionem et experientiam, omnium corda hominum demulcentem suavitatem et affabilitatem pro augmento fidei et morum in populo, pro incremento sacrae scientiae, pietatis et disciplinaris observantiae in clero inchoabuntur, restaurabuntur, perficientur.

Haec omnia animo revolventes, oculos nostros ad paternam Celsitudinis Vestrae faciem levando, et inexplicabile inde robur ad pugnandum pro Domo Dei hauriendo, nil vehementius optamus, nil ferventius efflagitamus, quam ut resonantem Celsitudinis Vestrae de monte Sion vocem quo ocyus auribus percipere, et ea, quae nobis ad majorem Dei gloriam, pacem Ecclesiae, prosperitatem patriae et animarum fidelium aeternam salutem promovendam injuncta fuerint, quam promptissime exequi valeamus, Deum omnipotentem flexo poplite exorantes ut anxium Celsitudinis Vestrae super grandi hoc munere cor S. Spiritus solamine recreare, omnia Eiusdem studia uberrimo Benedictionis suae rore perfundere, et Ipsam nobis ac toti populo fideli quam diutissime sanam, et incolumen conservare dignetur! Vivat!