Circulares litterae dioecesanae anno 1891. ab ordinariatu archi-episcopali strigoniensi ad clerum archi-dioecesanum dimissae
XVIII.
177 XVIII. LEO PP. XIII. Uni versis Christißclelibus praesentes Litteras inspecturis salutem et Apostolicam Benedictionem! Gratus quidem et jucundus accidit Nobis nuncius singulari animi ardore, ab universo Carmelitarum Excalceatorum Ordine solemnia apparari ad recolendam memoriam Sancti Joannis a Cruce, qui, primus ejusdem Ordinis Professor, alter merito Parens nuncupatur, tertio exeunte saeculo, ex quo solutus corporis vinculis ad coelestium sedes avolavit. Aequum sane est gratoque animo non minus quam pietati maxime consentaneum, ut ab iis honores singulares habeantur sanctissimo viro, qui labore, doctrina operosa sedulitate egregie de eodem Ordine meruit, iliumque clarissimarum virtutum splendore illustravit. Siquidem post saecularia solemuia ob memoriam Sanctae Theresiae, Carmelitarum Excalceatorum familiae matris et magistrae, opportuna quidem oblata est occasio celebrandi haud multo post festum centenarium Sancti Joannis a Cruce. Sic non longo temporis intervallo, qui jam Sanctae Virgini Legiierae socius operis extitit, atque iu mysticae theologiae arcanis scripto explicandis aeque ac illa divinitus instructus, eorumdem honorum iit particeps. Nos vero spem optimam fovemus fore, ut ejusmodi solemnia, non vacua futura sint fructu Christi- fidelibus omnibus ac praesertim Carmelitis, qui beato ex familia sua caeliti honores cum detulerint, in cogitationem facile deducentur virtutum praestantissimarum, quibus Ille quoad vixit ceteris in exemplum praefulsit. Ex iis virtutibus libet, hac praesertim tam adversa Ecclesiae ac religiosis familiis tempestate, memorare admirabilem Sancti Joannis a Cruce patientiam cum invicta constantia coniunctam. Gravissimis enim molestiis asperrimisque aerumnis ita vexatus assidue fuit et afflictus, ut vere Crucis habere nomen et onus sufferre visus sit. Easdem tamen tam patienter atque ea voluntate pertulit, ut hoc unicum suis laboribus praemium expetierat, nimirum: pati et contemni pro Christo. Quapropter cum haec saecularia solemnia quum Christianis omnibus tum praecipue Carmelitarum familiae non parum Deo adiuvante sint profutura, ad augendam eorum celebritatem, quae a Nobis ex Ecclesiae thesauro petita sunt munera libenter conferimus. Votis igitur et precibus Procuratoris Generalis Carmelitarum Excalceatorum nuper ad Nos admotis benigne adnuentes, omnibus et singulis utriusque sexus Christifidelibus, qui triduanae supplicationi, quae in Ecclesiis Carmelitarum Excalceatorum a die vigesima Nr. 5500. Ii reve Sami Dni Nostri Lsonis Papae XIII. de tri- saeculari memoria S. Joannis a Cruce.
