Circulares litterae dioecesanae anno 1890. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXIV.
151 XXIV. Ouantopere curae cordique sit Sanctissimo Domino Nostro, ut dira propu- diosaque servitus Nigritarum in Africa, qui adhucdum sicut pecudes emuntur et venduntur, quemadmodum in litteris meis pastoralibus ddto 30. Januarii 1889. Nr. 970. dimissis uberius exposui aboleatur, atque inter hnnc populum Christiana Religio plantetur ac propagetur, subnexae Eiusdem Encyclicae testatum faciunt. In his Sua Sanctitas Antistibus, imo Catholicis omnibus paterne ac impensius commendat, ut eleemosynae, et subsidia colligantur eum in finem convertenda, ut numerus apostolico- rum virorum, sive Missionariorum, qui inter Nigritas Evangelium Jesu Christi praedicant et propagant multiplicetur, ut horum debitae institutioni, seu praeparationi, longis itineribus, excitandis templis, aedificandis aliis aedibus ac instruendis prospicia- tur. Disposuit porro Sua Sanctitas, ut die Epiphaniae Domini sacra, eleemosyna in hoc salutare opus impendenda corrogetur, et collecta ad Institutum S. Congregationis de Propaganda Fide transponatur. — Jam in superius memoratis Pastoralibus litteris commendavi, ut gratissimum Deo opus abolendae Nigritarum servitutis, et propagandae inter ipsos fidei catholicae armis spiritualibus, quae sunt preces et eleemosynae, promovere, atque sic de miseris illis proximis nostris bene mereri, nosque amplissima apud Deum mercede dignos reddere satagamus. — Velint itaque Domini Curati prae- memorato Epiphaniae festo fidelibus suae curae creditis tenorem Encyclicarum subnexarum notum facere, illosque ad eleemosynam dandam et subin horsum transmittendam provocare. Strigonii, die 11. Decembris 1890. Nr. 7012. Ssmi D. Nostri Encyclica de colligendis eleemosynis pro Missionibus inter Nigritas Africae existentibus. VENERABILIS FRATER SALVTEM ET APOSTOLICAM BENEDICTIONEM Catholicae Ecclesiae, quae omnes homines materna caritate complectitur, nihil fere antiquius fuit inde ab initio, ceu nosti, Venerabilis Frater, quam ut servitutem, quae misero iugo premebat mortalium quamplurimos, sublatam cerneret penitusque deletam. Sedula enim custos doctrinae Conditoris sui, qui per se Ipse et Apostolorum voce docuerat homines fraternam necessitudinem quae iungit universos, utpote eadem origine cretos, eodem pretio redemptos, ad eandem vocatos beatitatem aeternam, suscepit neglectam servorum causam ac strenua vindex libertatis extitit, .etsi, prout res et tempora ferebant, sensim rem gereret ac temperate. Scilicet id praestitit prudentia et consilio constanter postulans quod intendebat religionis, iustitiae et humanitatis nomine;