Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
IX.
74 les tabulas, sa. me. Gregorius Papa XYI. qui ea iam in consistoriali Allocutione nuncupaverat testimonia satis idonea, indulsit, ut Ordinariae Inquisitionis instar haberentur, ideoque sententiam peculiaris Congregationis Sacrorum Rituum apposite a se deputatae approbans, Commissionem introductionis Causae ipsius Venerabilis Dei Famuli, aliorumque plurimorum Servorum Dei in odium Fidei in Sinis interemptorum, propria manu signavit die nona Iunii anni 1843. Verumtamen Ven. Gabrielis causa pluribus deinceps nobilitata portentis ut celerius expediretur, a ceteris seiuncta fuit. Sed propter regionum distantiam, rerumque publicarum vicissitudines non breve praeteriit temporis spatium in construendis apostolicis Processibus iisque Sacrae Congregationi exhibendis, ac singulis praeliminaribus quaestionibus iuxta canonicas sanctiones rite pertractandis. Quibus feliciter absolutis, in Congregatione Antepraepara- toria 11. Kalendas Augusti anni 1862. de Martyrio et causa Martyrii disceptatum fuit penes cl. me. Cardinalem Constantinum Patrizi S. R. C. Praefectum causaeque Relatorem. Successit Conventus Praeparatorius habitus in Palatio Apostolico Vaticano pridie Nonas Iulii anni 1886, ubi Relatore cl. me. Cardinali Dominico Bartolini, qui Cardinali Patrizi subrogatus erat, adstantibus Rmis Cardinalibus Sacris tuendis Ritibus praepositis, ex Pontificia venia sub unico dubio, etiam de caelestibus Signis seu Miraculis actum est, quae obitum pretiosum illustrarunt tum in corpore et sepulcro defuncti, eiusque mira apparitione qua ethnicum hominem ad Baptismum invitavit, tum in restituta non uni aegroto sanitate. Tertio tandem in generalibus comitiis coram Sanctissimo Domino Nostro LEONE PAPA XIII. in eodem Palatio Apostolico Vaticano coadunatis pridie Idus Iunii nuper elapsi, Rmus Cardinalis Ca- rolus Laurenzi, Cardinali Bartolini e vivis sublato, in Causae Ponentem suffectus, Dubium proposuit: An constet de Martyrio et causa Martyrii, nec non de Signis et Miraculis, in casu et ad effectum de quo agitur? ac singuli Rmi Cardinali et Patres Consultores ex ordine suffragia dederunt. Quibus acceptis, Beatissimus Pater decretorium suum iudicium de more differre voluit, monens adstantes in re tam gravi assiduis apud Deum precibus insistendum esse. Hac porro Dominica ultima post Pentecosten, et die sacra triumphis prae- stantissimae Virginis et Christi Martyris Catharinae, quae per similem acerbissimarum passionum tramitem ad aeternas divini Agni nuptias pervenit, antea Eucharistico oblato sacrificio ad se, ad Pontificias Vaticani Aedes accersivit Rmos Cardinales Angelum Bianchi Sacrorum Rituum Congregationi Praefectum, et Carolum Laurenzi Causae Relatorem, una cum R. P. Augustino Caprara Fidei Promotore, et me in- frascripto Secretario, iisque adstantibus solemniter pronunciavit: Constare de Venerabilis Servi Dei Gabrielis Perboyre Martyrio et causa Martyrii, pluribus signis et Miraculis a Deo illustrati et confirmati. Huiusmodi Decretum in vulgus edi, et in acta Sacrae Rituum Congregationis referri mandavit 7 kalendas Decembris anni 1888. A. Card. BIANCHI 5. R. C. Praefectus. LAURENTIUS SALVATI 5. R. C. Secretarius. Strigonii, die 22-a Aprilis 1889. (L. f S.)
