Circulares litterae dioecesanae anno 1889. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XVI.
133 XVI. AURELIANEN. Rmus D. Petrus Coullié Episcopus Aurelianen, a S. Rituum Congregatione sequens Dubium declarari humillime petit, nimirum: An servari possit consuetudo ut in Exequiis parvulorum Missa de die, vel votiva de Angelis legatur, vel cantetur ? Et Sacra eadem Congregatio referente Sacrorum Rituum Congregationis Secretario, auditaque sententia unius ex Consultoribus eiusdem Sacrae Congregationis, omnibus perpensis sic declarare censuit: servetur consuetudo; sed Missa votiva de Angelis legatur, vel cantetur tantum diebus a Rubrica permissis. Atque ita declaravit ac rescripsit. Die 30. Januarii 1880. LUCEN. Magister Sacrarum Caeremoniarum Ecclesiae Cathedralis Lucen. de consensu sui Rmi Episcopi a Sacra Rituum Congregatione insequentis Dubii declarationem humillime exqui sivit, nimirum : An diebus, quibus excluduntur Commemorationes ratione Vigiliae privile- giatae vel solemnium Festorum nempe Titularis, et Patroni, nec non Circumcisionis, Epiphanie Paschae, Ascensionis, Pentecostes, SSmi Cordis Jesu, aliarumque Festivitatum Domini facienda sit Commemoratio SSmi Sacramenti ratione Expositionis ? Et Sacra eadem Congregatio, referente insfrascripto Secretario, audita sententia alterius ex Apostolicarum Caeremoniarum Magistris rescripsit: In Missis solem- nibus Affirmative, in privatis negative. Atque ita declaravit, ac rescripsit. Die 7. Augusti 1880. BRIXIEN. Rme Dne uti Frater, Exposuit A. T. huic Sacrae Rituum Congregationi consuevisse in quibusdam istius Brixien. Dioeceseos Ecclesiis statutis diebus coram SSmo Sacramenti Eucharistiae decantari quasdam invocationes ad instar Litaniarum Sacratissimi Cordis Jesu. Dubitans vero ipsa A. T. an euismodi mos tolerari possit et debeat, ab eadem Sacra Congregatione authenticam in re exquisivit declarationem. Sacra itaque Congregatio A. T. per praesentes litteras declaravit, praefatas invocationes ad instar Litaniarum haud licite posse in Ecclesiis recitari, praesertim coram Sanctissimo Sacramento quippe quae Sanctae Sedis approbatione prorsus careant. Die 24. Augusti 1880. Nr. 4334. Plura Decreta S. R. Congregationis publicantur.
