Circulares litterae dioecesanae anno 1888. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXII.
JOANNES S. R. E. TIT. S. BARTHOLOIAEI IN INSULA PRESBYTER CARDINALIS SIMOR, DEI MISERICORDIA ET APOSTOLICAE SEDIS GRATIA AROHI-EPISCOPUS STRIGO- NIENSIS, I. REGNI HUNGÁRIÁÉ PRINCEPS PRIMAS ETC. ETC. A S. Paulo1 edocti Christiani inde a primordiis Ecclesiae pro Regibus obsecrationum, orationum, postulationum et gratiarum actionum pientissima obsequia Deo omnipotenti obtulerunt. Cui doctrinae ac praecepto inter furentes etiam sangvinolentarum persecutionum procellas ad amussim morem gessisse Christianos discimus, ut alia silentio praetermittam, ex Apologia S. Justini Mart., ex Epistola ad Diognetum, ex Athenagora, et Theophilo Antiocheno ad Autolycum, nec non e Tertulliani Apologetico, e quo etiam novimus,2 quidnam primi illi Christiani Caesari precati fuerint, licet etlmico. „Precantes sumus omnes semper pro omnibus imperatoribus, vitam illis prolixam, imperium securum, domum tutam, exercitus fortes, senatum fidelem, populum probum, orbem quietum et quaeque hominis et Caesaris vota sunt.“ Nos ab hoc maiorum nostrorum voto nunquam recessimus, et Apostoliéi Regis nostri sicut in Canone sacratissimae Actionis Missae semper meminimus, et contentam in Missa pro Rege collectam frequentissime recitamus; ita in pomeridiano etiam cultu divino, Dominicis et festis diebus orare cum populo pro Rege non negligimus. Eo autem libentius Regem saeculorum immortalem ac invisibilem, per quem reges regnant,3 pro salute Regis Augustissimi et Apostoliéi nostri deprecabimur die 2. proximi affuturi mensis Decembris, qua ante annos quadraginta regnare coepit. Onus proinde ingens, plenum laboribus ac sollicitudinibus in ejus humeros juveniles devolutum est. Novimus quidem omnes, Suam Majestatem in silentio et procul a strepitu mundi diem illum et transigere, et a subditis transigi velle. Quod vero piissimae Ipsius voluntati contrarium esse nequit, nimirum, ut praelaudato die fiant orationes, obsecrationes et gratiarum actiones pro Rege nostro dilectissimo in Ecclesiis nostris, hoc est, quod non possumus non libentissime praestare. Dispono itaque, ut die • I. Tim. 2. 1. sequ. — 2 cap. XXX. — » Pror. 8, 15.
