Circulares litterae dioecesanae anno 1887 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXIII.
167 XXIII. Sanctissimus Dominus Noster ope subnexi Brevis, Christi fidelibus, qui ex occasione iubilaei sui sacerdotalis Hornam peregre advenient, nec non iis, qui hos peregrinantes mente et corde prosecuti fuerint, vel suam quovis modo in piarum huiusmodi peregrinationum bonum exitum operam contulerint, plenariam e thesauro Ecclesiae indulgentiam concedit, si praescriptas in ipso brevi binas novemdiales devotiones persolverint aliasque ibidem aeque enumeratas conditiones adimpleverint. Tenor autem ipsius Brevis est sequens: Nr. 6820. Breve Aposto- licum, ope cuius Sua Sanctitas ex incidenti iubilaei sui sacerdotalis indulgentias concedit. LEO PP. XIII. Universis Christifidelibus praesentes Litteras inspecturis salutem et Aposto- licam Benedictionem. Quod primo adventantis anni die Deo favente Sacerdotalis iubilaei Nostri solemnitatem celebrabimus, omnes ubique terrarum gentes et cuiuscunque ordinis familiae, quasi cor unum et anima una prae laetitia gestiunt, mirifi- cisque modis in hac temporum difficultate Nobis in sublimi Beatissimi Petri Sede divinitus collocatis, solemnia suae fidei, studii, obsequii, et gratulationis exhibent testimonia. Haec quidem omnia accepta referimus Deo qui consolatur Nos in tribulatione Nostra, Eumque sine intermissione obsecramus, ut dominico gregi universo propitius benedicat, et optatam iam diu pacem et concordiam concedat» Nos exploratis hisce amoris et antiquae pietatis significationibus permoti, precibusque ad id Nobis admotis obsecundantes, ut universi filii ex Parentis sui festivitate aliquod sibi parent ad aeternam facilius potiundam beatitatem emolumentum, Ecclesiae thesauros, quorum dispensationem Nobis credidit Deus, reserandos cen- suimus. Quare de Omnipotentis Dei misericordia, ac Beatorum Petri et Pauli Apostolorum Eius Auctoritate confisi, omnibus et singulis utriusque sexus Christifidelibus Hornam occasione sacerdotalis iubilaei Nostri peregre advenientibus, ut suorum populorum nomine publice et palam pietatem et obsequium testentur, debitum supremae Nobis a Deo traditae auctoritati honorem et obedientiam praestent, nec non omnibus pariter utriusque sexus fidelibus qui supradictas ad Urbem peregrinationes mente et corde prosequantur, comitentur, itemque omnibus et singulis, qui suam quovis modo in piarum huiusmodi peregrinationum bonum felicemque exitum operam conferant, si novendialem supplicationem recitatione tertiae partis SS. Kosarii ipsi sacerdotalis iubilaei Nostri diei, Kalendis nempe venturi Januarii, praemiserint, et si eandem
