Circulares litterae dioecesanae anno 1886 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
VII.
57 ceteros favores, nempe absolutiones a censuris et a casibus reservatis, commutationes aut dispensationes. Y. Ad iniunctas visitationes exequendas designari posse etiam capellas et oratoria, dummodo sint publico cultui addicta et in iis soleat Missa celebrari. VI. Visitationes ad lucrandum iubilaeum indictas, dummodo praescripto numero fiant, institui posse pro lubitu fidelium sive uno sive diversis diebus. VII. Posse lucrari iubilaeum eos qui conditiones praescriptas partim in una dioecesi, partim in alia quacumque ex causa adimplent aut perficiunt, si observent, ordinationes Ordinariorum locorum. VIII. Confessarios uti non posse facultatibus extraordinariis per litteras apo- stolicas concessis cum iis qui petunt absolvi et dispensari, sed nolunt adimplere opera iniuncta et lucrari iubilaeum. Datum Hornae in sacra Poenitentiaria die 15. Januarii 1886. RAPHAEL Card. MONACO LA VALLETTA Maior Poenitentiarius. HYPPOLITUS Can. PALOMBI Secretarius. Strigonii, die 7-a Aprilis, 1886. DECRETUM Tertii Ordinis Saecularis S. Francisci Assisiensis. Apostolica Constitutione, quae incipit „Misericors Dei Filius“ data III. ka- lendas Iunias anno Incarnationis dominicae millesimo octingentesimo octogesimo tertio, Sanctissimus Dominus Noster Leo divina providentia Papa XIII Sodalibus Tertii Ordinis qui dicitur saecularis s. Francisci Assisiensis benigne concessit, ut novies intra annum recipere possint Absolutionem, hoc est Benedictionem cum Indulgentia Plenaria. At quoniam dies, quibus haec Absolutio seu Benedictio fuit adnexa, non omnes festi de praecepto, sed nonnulli alicubi, nonnulli ubique locorum profesti tantum sunt, (quibus Tertiarii saeculares haud facile in Ecclesias convenire possunt ceteraque praestare quae ad Absolutionem seu Benedictionem rite accipiendam fuerunt constituta, hinc eorum quamplurimi hoc spirituali beneficio illis diebus omnino careant necesse est. Quam- obrem plures Sacrorum Antistites aliique ecclesiastici viri, quibus eorumdem Sodalium Franciscalium cura est demandata, supplices admoverunt preces Eidem SSmo Domino Nostro, quatenus ex Apostolica benignitate super hoc providere dignaretur. Porro Sanctitas Sua, cui plurimum cordi est ut Tertius Ordo saecularis s. Francisci Assisiensis maius in dies incrementum suscipiat eiusque Sodales validiora ad pietatem incitamenta habeant, huiusmodi precibus annuit, et in Audientia habita die 16 Ianuarii 1886 ab infrascripto Secretario S. Congregationis Indulgentiis Sacrisque Reliquiis praepositae clementer indulsit, ut praefati Tertiarii, si forte legitima causa impediantur quominus Ecclesias adeant Absolutionem seu Benedictionem diebus assignatis, qui profesti sunt, accepturi, eamdern Absolutionem seu Benedictionem accipere valeant aliquo die festo de praecepto, qui intra Octidua eorumdem profestorum dierum occurret, dummodo cetera exequantur, quae in Indice Indulgentiarum memorata Apostolica Constitutio pro rite accipienda Absolutione seu Benedictione cum Indulgentia Plenaria praescribit. Nr. 2290. Decretum S. Congregationis Indulg. concernens socios tertii ordinis s. Francisci.
