Circulares litterae dioecesanae anno 1886 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

V.

I

35

S. Bonaventurae E. C. libros, commentarios, opuscula et opera denique omnia, in unum colligenda et typis Vaticanis describenda pissit Sixtus V., qui illum etiam inter Ecclesiae Doctores recensuit. Editio haec 1588. coepta septem tomis in folio absoluta est sub Clemente VIII. a. 1599. Hanc aliae sequebantur editiones aliis in regnis et urbibus. Nostris diebus, qui universum Ordinem Minorum moderatur Generalis Minister P. Bernardinus a Portu Romantino consilium coepit novae eius- que absolutissimae ad plurimos codices manuscriptos emendatae, anecdotis auctae, et prolegomenis illustratae editionis operum Seraphici Doctoris, quam perficiendam Patribus sui Ordinis, Collegium, a S. Bonaventura nuncupatum, efficientibus et componentibus commisit. Hoc Collegium propriam habet typographiam ad Claras Aquas (Quaracchi) prope Florentiam, in qua duo jam volumina operum S. Bonaventurae prodierunt. Haec bina volumina praesentavit Minister Generalis Pontifici Maximo Leoni XIII. a quo subnexum apostolicum rescriptum recipere meruit.

Nr. 1851.

Breve Apostolicum in merito novae editionis operum S. Bonaventurae ad Generalem Ministrum Ordinis Minorum S. P. Francisci directum.

DILECTO FILIO P. BERNARDINO A PORTU ROMANTINO ORDINIS MINORUM MINISTRO GENERALI

LEO PP. XIII.

Dilecte fili, salutem et Apostolicam benedictionem! Quod universa Sera- phici Doctoris opera de integro edenda decreveras, non mediocrem animi laetitiam percepimus, nunc vero eidem exsequendo consilio manum esse feliciter admotam, magna cum voluptate intelligimus. Qui enim vix fere Pontificatu inito, nil ad oppugnandos nostrorum temporum errores fore aptius, nil ad confirmandam veritatem efficacius duximus, quam ut excellens summi Scholasticorum Magistri sapientia longe lateque fluat, atque ad id praecipuam operum illius editionem numeris omnibus absolutam publicari jussimus, haud satis laudare propositum tuum poteramus, quo vulgatis sancti Bonaventurae scriptis catholica juventus ad scholasticas disciplinas etiam studiosius colendas inflammaretur. — Quanta inter S. Thomam ac Seraphicum Do- ctorem necessitudo, quanta sanctitatis ac doctrinae similitudo intercesserit, omnibus in comperto est. Ac s. m. Sixtus V. Decessor noster verissime affirmavit eos esse „olivas et duo candelabra in domo Dei lucentia, qui et caritatis pinguedine et scientiae suae luce totam Ecclesiam Dei collustrarent,“ atque eos „singulari Dei providentia