Circulares litterae dioecesanae anno 1886 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXIII.
161 XXIII. Jussu et expensis SSmi Domini Nostri Leonis PP. XIII. publicatur Romae nova, eaque emendatissima et castigatissima editio omnium operum S. Thomae Aquinatis, Doctoris Angelici. Nuperrime in publicam lucem prodiit tertium volumen elegantissimae huius editionis, qua occasione usus SSmus Dnus Noster, ad duos Eminentissimos DD. Cardinales, coetui sodalium Ordinis S. Dominici, qui in adornanda editione hac elaborat, praefectos, sequens dirigere dignatus est benignissimum rescriptum: DILECTIS FILIIS NOSTRIS JOANNI SIMEONI ET THOMAE ZIGLIARA S. R. E. CARDINALIBUS LEO P P. XIII. Dilecti Filii Nostri, salutem et Apostolicam benedictionem. Volumen tertium ex operibus sancti Thomae Aquinatis, quod novissimo tempore prodiit curis vestris in lucem, perspeximus laboriosa adornatum industria et exquisito iudicio, prorsus ut non minoris esse pretii quam duo illa priora videatur. Qua de re meritas debitasque laudes libenti animo tribuimus tum vobis, tum iis ex Ordine Dominicano sodalibus, qui eodem in incepto constanter non minus quam scienter vobiscum elaborant: ac simul confidimus, non defuturum vobis illud vehementer optabile maximeque dignum doctis laboribus praemium, sapientum approbationem. Porro accurandae editionis rationem, quam instituistis, institutam intelligenter esse, res loquitur ipsa: conficiendoque operi, quod habetis in manibus, consentaneum est tantum vos sumere temporis, quantum necesse intellexeritis esse. Verumtamen inter ceterorum voluminum apparatum, cui longior est opera necessaria, valde cupimus ut utriusque Summae editio maturetur. Quod fieri celerius videtur posse, quia sunt illa quidem ex operibus sancti Thomae maxime cognita et saepenumero formis litterarum impressa, et multis eruditorum virorum laboribus explanata. Ex altera parte cogitatione permovemur assidui usus: nam quicumque in philosophia theologiaque serio versantur et aliquid volunt dignum iis disciplinis attingere, nihil habere solent utraque Summa familiarius. Itaque quanto citius illas nitide et emendate, quod est diligentiae facultatisque vestrae, publicaveritis, tanto Nr. 7178. Rescriptum SSmi Dni Nostri ad Card. Simeoni et Zi- gliara.
