Circulares litterae dioecesanae anno 1886 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XIX.
135 XIX. Sanctissimus Dominus Noster gloriosae memoriae suorum praedecessorum vestigia in eo etiam presso pede secutus est, quod Societatem Jesu perenni aeque charitatis suae Auctoritatisque Apostolicae testimonio ornare voluerit, tamquam tot illustrium virorum foecundam parentem, qui gloriosum Crucis vexillum, ultra vastissima marium spatia ad gentes ignotas ac barbaras, ad extremos Orientis et Occidentis fines provexerunt, et in omnibus non modo mundi partibus, sed prope angulis, profuso sanguine signarunt; qui profligatis idololatriae aliorumque errorum monstris, innumeras animas ex omni populo et natione ad Christi ovile traduxerunt; qui Ecclesiam insigni virtute et sanctitate, Academias praestanti doctrina et scientia, Rem- publicam litterariam omni tam sacrae quam profanae eruditionis apparatu illustrarunt; qui indefessis occupati laboribus promovendae Dei gloriae et proximorum saluti omnem vitam suam consecraverunt. Subnexum Apostolicum Rescriptum palam facit, quo in pretio habeat, qua benevolentia prosequatur Societatem Jesu Beatissimus Pater. LEO PP. XIII. AD FUTURAM REI MEMORIAM. Dolemus inter alia, quibus cor nostrum in tanta rerum perturbatione an. gitur, iniurias et damna illata religiosis Regularium Ordinum familiis, quae a sanctissimis institutae viris, magno usui et ornamento tum catholicae Ecclesiae, tum civili etiam societati commodo et utilitati sunt, quaeque omni tempore de religione ac bonis artibus, deque animarum salute optime meruerunt. Propterea Nobis est gratum, oblata occasione, laudem quae iisdem religiosis familiis iure meritoque debetur, tribuere, et benevolentiam qua eas uti et Praedecessores Nostri, complectimur, publice et palam testari. Iamvero, quum noverimus pluribus abhinc annis novam inchoatam esse editionem operis, cui titulus „Institutum Societatis Iesu“ eamque a dilecto filio Antonio Maria Anderledy Vicario generali eiusdem Societatis Iesu assiduo studio absolvendam curari, eiusdemque operis adhuc desiderari librum, iri quo Apostolicae litterae praefatae Societati, eiusque institutori sancto Ignatio de Loyola, aliisque Praepositis generalibus datae habentur, hanc arripiendam censuimus occasionem exhibendi Nostrae erga Societatem Iesu, egregie de re catholica et civili meritam, voluntatis Nr. 5608. Breve Aposto- licum ad Pare- positum Generalem S. J. directum.
