Circulares litterae dioecesanae anno 1886 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

XVI.

113

XVI.

Jam anno mox praeterlapso transposui ad V. Capitulum Metrop. Ecclesiae meae ducentena millia florenorum et declaravi, eam esse huius aeris destinationem, ut sit perpetua et inalienabilis dos erigendi a me Orphanotrophii, in quo tot educabuntur orphani, quot sustentandis annuus e praedicta capitali summa redundans proventus, qui 10,000 florenis minor non est, sufficiet. Pro Orphanotrophio delegi aedes aere primum acquirendas Tirnaviae Seminarii olim Cleri junioris, a S. Stephano Pege nuncupati, quod constructo Strigonii novo, amplissimoque Seminario destinatione sua excidit, et cuius aedes Officio Vicariali Archi-Episcopali per Districtum Tirnaviensem recipiendo a longa annorum serie deserviebant. Officio itaque Vicariali de alia residentia ac domicilio providendum fuit provisumque est ita, ut illud ad residentiam Archi-Episcopalem, prius tamen restauratam transferretur, id quod sine magnis meis expensis fieri non potuit. Vacuae sic redditae Seminariales olim aedes prius aeque restaurationi subjici restauratae autem plene instrui debuerunt, ac debent. Abhinc repetendum, quod Orphanotrophio aperiendo prius, quam utraque domus redacta in ordinem fuisset, congrua disponi nequiverint. Siquidem autem confidam fore, ut quos feci ordines scopo instruendi Orphanotrophii, ii felici ac optato effectu non careant, haud jam moror, annunciare Orphanotrophium futuro mense Septembri aperiendum fore, cuius normae ac statuta tardius publicabuntur. E quibus interim suffecerit scire sequentia: 1. Orphanotrophium erigitur pro sola amplissima Archi- Dioecesi Strigoniensi, nec ad illud ad onus fundationis recipientur alii, nisi orphani post parentes, qui filii ac fideles fuerunt huius Arehi-Dioecesis, relicti. 2. Ad illud recipientur soli pueri, non etiam puellae, et quidem pueri, qui sextum aetatis annum jam attigerunt, et decimum quartum non superaverunt. 3. Recipiendi debent esse vere orphani seu qui utroque parente carent, et insuper vere egentes ac pauperes, quibus nihil haereditatis post defunctos parentes obtigit, vel certe non tantum, u1 sufficiat pro educatione et institutione orphani. Id, quod testimonio concernentis or- phanalis magistratus docendum erit. Nonnisi in defectu vere et e toto orphanorum recipi ad institutum poterunt non utroque parente orbati pueri. 4. Orphani in instituto providebuntur victu, vestitu, aliisque necessariis vitae mediis. 5. Publicas frequentabunt scholas vel elementares vel gymnasiales, prout aetas singulorum tulerit, habita ratione etiam facultatum mentis. 6. Orphani recipientur ex omnibus Archi- Dioecesis oris et partibus, sive ex omnibus octo Archi-Diaeonatibus in proportione ad numerum incolarum catholicorum tardius definiendum et publicandum. Singularis autem ratio habebitur orphanorum, quos cantores docentes, vel saltem docentes caNr. 4821.

De aperiendo Orphanotrophio Archi- Episcopali Tirnaviae.

i

L

1

k

i