Circulares litterae dioecesanae anno 1885 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XIX.
133 XIX. Decretum Mediolanen. Beatiiicationis et Canonizationis Venerabilis Servi Dei Antonii Mariae Zaccaria Fundatoris Congregationis Clericorum Regularium Sancti Pauli Barnabitarum. Decimoseptimo kalendas Novembris anni 1883 a Sanctissimo Domino Nostro Leone Papa XIII benigne concessum fuit, ut in Congregatione Sacrorum Rituum Ordinaria ageretur, absque interventu et voto Consultorum, de validitate Processuum Apostolica Auctoritate in Ecclesiastica Curia Bononiensi, Aesina et Cremonensi constructorum, super quatuor Miraculis quae praefati Ven. Servi Dei Antonii Maria Zaccaria intercessione a Deo patrata feruntur. Hinc Emus et Rmus Dnus Cardinalis Lucidus Maria Parocchi, huiusce Causae Ponens, ad instantiam Rev. P. Igna- tii Pica Sacerdotis e Congregatione Clericorum Regularium Sancti Pauli Barnabitarum, in Ordinario speciali Coetu ipsius Sacrae Congregationis, iuxta peculiares eiusdem Sanctissimi Domini Nostri sub die 20 Novembris 1878 editas praescriptiones constituto, ac subsignata die ad Vaticanas aedes coadunato, sequens Dubium discutiendum proposuit, nimirum: An constet de validitate Processuum. Apostolica auctoritate in Curia Bononiensi, Aesina, et Cremonensi constructorum super Ven. Servi Dei Miraculis, testes sint rite ac recte examinati, et iura producta legitime compulsata in casu et ad effectum de quo agitur ? Sacra porro eadem Congregatio, omnibus maturo examine perpensis, audi- toque voce et scripto R. P. D. Augustino Caprara s. Fidei Promotore, sic rescribendum censuit: Quoad Processus Bononiensem, et Aesinum, Affirmative, seu Constare de Validitate; quoad Processum Cremonensem, Dilata et ad mentem. Die 9 Decembris 1884. Facta autem de his Sanctissimo Domino Nostro Leoni Papae XIII per in- frascriptum Secretarium fideli relatione, Sanctitas Sua sententiam sacrae ipsius Congregationis ratam habuit, et confirmavit die 11 eiusdem mensis et anni. Quum vero deinceps menti eiusdem Sacrae Congregationis quoad Processum Cremonensem satisfactum sit, eadem Sanctitas Sua validitatem quoque huius Processus approbare dignata est die 13 Aprilis 1885. D. CARDINALIS BARTOL1NIUS S. R. C. Praefectus. LAURENTIUS SALVATI S. R. C. Secretarius. Strigonii, die 26-a Septembris, 1885. Nr. 5266. Ex S. Rituum Congregatione 7
