Circulares litterae dioecesanae anno 1884 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XII.
90 Nr. 2284. Sic dictae Ma- ialis devotionis saeculare festum hoc anno celebratur. Ut praedictae notissimae preces a quolibet Sacerdote post Missam lectam recitentur Sanctissimus Dominus Noster mandavit, cui ab omnibus obediendum est tanto magis, quod rem piam et sanctam e piissimis sanctissimisque finibus praecipiat. Cui mandato ut respondere quilibet possit, ipsas preces chartae mandet, sive describat, est necesse. Strigonii, die 10-a Maii, 1884. Mensem Maium peculiari Beatissimae Virginis cultui dicandi laudabilis mos, pietatisque exercitium scopo hoc persolvi solitum, ante centum annos sua coepit exordia, ut patet e subnexis litteris, per Praefectum Generalem Clericorum Regül a- rium Infirmis Ministrantium ad me directis, quas una cum S. Rituum Congregationis Decretis ad saeculare festum huius pietatis exercitii, sive Maialis, ut dici solet, devotionis spectantibus ad notitiam V. Cleri ArchiDioecesani perferre volui, non alio utique fine, quam ut quo plures Curati excitentur ad hoc idem pietatis exercitium in parochia sua introducendum. Eminentissime Domine! Cum CC. RR. Infirmis Ministrantes, productis documentis, demonstrandum assumpsissent pium Exercitium Mensis Mariani publici et solemnis exordium habuisse, anno 1784, in eorum Ecclesia Visitationis B. M. V. Civitatis Ferrariensis, et ideo centenariam huius institutionis solemnitatem esse proximo mense Maio recolendam, non certe putabant se quaestionem promovere solemni iudicio et iuridica sententia terminandam. At cum nonnullae exortae fuissent difficultates, coacti fuerunt adire Sacram Rituum Congregationem, a qua sequentem quaestionis solutionem obtinuerunt, videlicet: CONGREGATIONIS CLERICORUM REGULARIUM INFIRMIS MINISTRANTIUM. Instante Rmo Patre Camillo Guardi, Praefecto Generali Congregationis Clericorum Regularium Infirmis Ministrantium, quum in Ordinario speciali Sacrorum Rituum Congregationis Coetu, cum interventu RR. PP. DD. Magistrorum Sacrae Romanae Rotae Auditorum, ad Vaticanum subsignata die coadunato, Emus et Rmus Dnus Cardinalis Lucidus Maria Parocchi Causae Ponens eiusmodi Dubium discutiendum proposuisset, scilicet: An expediat, ut Mensis Mariani Praxeos Centenarium, a Clericis Regularibus Infirmis Ministrantibus, atque ab Ordinariis id a Sancta Sede petentibus, in memoriam eiusdem Exercitii anno 1784, in Ecclesia Visitationis Beatae Mariae Virginis Civitatis Ferrariensis solemniter peracti, hoc anno 1884 celebretur ? Sacer idem Coetus, omnibus accurato examine perpensis, rescribendum censuit: Affinnative. Die 3 Aprilis 1884. Pro Emo et Rmo D. Card. Bartolini S. R. C. Praefecto Loco I Signi A. Card. Serafini Laurentius Salvati S. R. C. Secretarius.
