Circulares litterae dioecesanae anno 1883 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

IV.

21

Quisquis ad aeris campani signum, mane vel meridie aut vespere solitas preces, nempe Angelus .Domini, aut eas ignorans recitaverit Pater Noster et Ave Maria, centum dierum indulgentiam acquiret.

Eamdem pariter consequetur indulgentiam, qui Feria sexta devote cogitaverit de Passione ac morte Domini Nostri Jesu Christi, terque Orationem Dominicam et Salutationem Angelicam recitaverit.

Is qui suam examinaverit conscientiam, et quem sincere poenituerit peccatorum suorum cum proposito illa emendandi, devoteque ter recitaverit Pater et Ave Maria in honorem SSmae Trinitatis, aut in memoriam Quinque Vulnerum D. N. Jesu Christi quinquies pronuneiaverit Pater et Ave Maria centum dierum indulgentiam acquiret.

Quisquis devote pro fidelibus oraverit, qui sunt in transitu vitae, vel saltem pro iis dixerit Pater Noster et Ave Maria, quinquaginta dierum indulgentiam consequetur.

Omnes indulgentiae superius expositae a singulis Cln-istifidelibus vel pro seipsis lucrifieri possunt, vel in animarum purgatorii levamen applicari.

Expresse declarari voluit Summus Pontifex supradictarum indulgentiarum concessione, nullatenus derogari indulgentiis a Praedecessoribus Suis iam concessis pro quibusdam operibus piis superius recensitis: quas quidem indulgentias voluit omnes in suo robore plene manere.

Jubet deinde idem Summus Pontifex indulgentias Christifidelibus concessas, qui retinent aliquod ex praedictis obiectis iuxta decretum sa : m : Alexandri VII. editum die 6 Februarii 1657 non transire ab illis pro quibus benedicta fuerint, vel illis quibus ab iis prima vice fuerint distributa : et si fuerit amissum vel deperditum unum alterumve ex iisdem obiectis, nequire ei subrogari aliud ad libitum, minime obstantibus quibusvis privilegiis et concessionibus in contrarium : nec posse pariter commodari vel precario aliis tradi ad hoc ut indulgentiam communicent, secus eamdem indulgentiam amittent: item que recensita obiecta benedicta,

vix dum pontificiam benedictionem receperint, nequire venundari, iuxta decretum S. Congregationis Indulgentiis Sacrisque Reliquiis 'tuendis praepositae editum die 5 Junii 1721.

Praeterea idem Summus Pontifex confirmat decretum sa: me : Benedicti NIV. editum die 19 Augusti 1752, quo expresse declaratur, vi benedictionis crucifixis, numismatibus etc. uti supra impertitae, non intelligi privilegio gaudere altaria ubi huiusmodi obiecta collocata fuerint, neque pariter Missas quas Sacerdos eadem secum deferens celebraverit.

Insuper vetat, ne qui morientibus adsistunt benedictionem cum indulgentia plenaria in articulo mortis iisdem impertiantur cum huiusmodi crucifixis, absque peculiari facultate in scriptis obtenta, cum satis provisum fuerit ab eodem Pontifice Benedicto XIV. in praecitata constitutione Pia Mater.

Tandem Sanctitas Sua vult et praecipit praesentem elenchum indulgentiarum pro maiori fidelium commodo edi typis posse non solum latina lingua vel ita- lica, sed alio quocumque idiomate, ita tamen ut pro quolibet elencho, qui ubi-