Circulares litterae dioecesanae anno 1883 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXVIII.
156 autem septennio, Tibi, dilecte Fili Noster, ceterisque Sacrorum Antistitibus ac Praesulibus supradictis praecipimus, ut singulis annis quisque in sua Dioecesi supradictum indultum ad annum pro Fidelibus suae Dioecesis duraturum promulget, utque in singulis huiusmodi promulgationibus delegatae cuique ad id Apostolicae Auctoritatis mentio fiat. — Te autem, dilecte Fili Noster, ceterosque Archiepiscopos, Episcopos, ac dilectos filios Praesules memoratos in Domino hortamur, ut moneant Fideles suae curae creditos banc S. Sedis indulgentiam et benignitatem aliquo pietatis opere, et aliqua in pauperes eleemosyna rependere. — Haec concedimus et elargimur, volumus ac jubemus non obstantibus quamvis speciali et individua mentione ac derogatione dignis in contrarium facientibus quibuscumque. — Praecipimus demum, ut praesentium Litterarum transumptis seu exemplis etiam impressis manu tua subscriptis et obsignatis eadem prorsus fides adhibeatur, quae adhiberetur ipsis praesentibus si forent exhibitae vel ostensae. — Datum Hornae apud S. Petrum sub Annulo Piscatoris die XXVII Novembris MDCCCLXXXIIL Pontificatus Nostri Anno Sexto. — (L. S.) Pro Domino Card. Mertel, A. Trinchieri m. p. substits. Dilecto Filio Nostro Joanni S. Jf. E. Presbytero Cardinali Simor ex Aplica dispensatione Archiepiscopo Stri- goniensi. Nec primum, nec alterum Apostolicae dispensationis Rescriptum cum Y. Clero Archi-Dioecesano communicatum est, quin congrua simul adjungeretur agendorum observandorumque in publicatione dispensationis instructio, quemadmodum circulares dioecesanae litterae, ddto 26-ae Maii, 1870, Nr. 2471, et ddto 15-ae Octobris, 1876 Nr. 4538. expeditae perhibent, quas ut DD. Curati attente relegant, et ad amussim observent, non solum commendatur, sed plane necessarium est, quandoquidem in publicatione prorogationis praedictae apostolicae dispensationis quibusvis conditionibus praescriptis respondendum est: nimirum, ut relaxatio sive dispensatio in lege abstinentiae ab esu carnium diebus Sabbati per annum, iis tamen exceptis, in quibus ob vigiliam subsequentis festi jejunium observandum est; facultas item feriis sextis per annum, nec non in festorum vigiliis, jejunio consecratis, quamcumque in condiendis cibis pinguedinem adhibendi, quam dispensationem quamve facultatem omnibus ac singulis Archi-Dioecesis huius fidelibus vi apostolicae mihi delegatae potestatis, impertior, per DD. Curatos quolibet anno fideli populo ex ambone de- nuncietur, porro, ut fideles hac eadem occasione moneantur, ne, quod suarum partium est, hanc S. Sedis indulgentiam et benignitatem aliquo pietatis opere, et aliqua in pauperes eleemosyna remereri negligant. Strigonii, die 16-a Decembris, 1883. Nr. 6181. Opusculum A római Pápa és a Péter-fillér commendatur. Franciscus Hujmann, parochus Pellérdensis in Dioecesi Quinquecclesiensi, conscripsit et publica luce donavit opusculum cui titulus „A római Pápa és a Péter- fillér“ in quo vivide adumbrans necessitates, quas Sanctissimus Dnus Noster ob iniquitates ac injurias temporis pati cogitur, excitare ac inflammare intendit fidelis populi amorem erga Sedem Apostolicam ac efficere, ut crescentibus de die in diem ejusdem indigentiis, fideles quoque largioribus eleemosynis seu obulis S. Petri iisdem
