Circulares litterae dioecesanae anno 1883 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XIX.
105 XIX. Sanctissimus Dominus Noster approbavit, et publicandum jussit sequens S, Rituum Congregationis DECRETUM. Urbis et Orbis. Per Apostolicas Litteras in forma Brevis die 28 iulii superiore anno editas Sanctissimus Dominus Noster LEO PAPA XIII, sententiam confirmans specialis Sacrorum Rituum Congregationis a se constitutae, cum aliquot Sanctorum atque etiam Beatorum Officia Ivalendario universalis Ecclesiae, nec non Kalendario particulari Urbis addidisset; quo in utroque Kalendario habeantur sedes liberae ad nova officia introducenda, Rubricam generalem Breviarii Romani, Tit. X. De Translatione Festorum immutandam praecepit, demptis videlicet translationibus Festorum Duplicium minorum (exceptis illis Sanctorum Ecclesiae Doctorum), et Festorum Semiduplicium. Itaque specialis ipsa Congregatio diebus 23 iunii et 2 iulii vertentis anni iterum coadunata est ad perficiendam, iuxta praefatam normam, textus Rubricarum correctionem. Nutu autem eiusdem Sanctissimi Domini Nostri, nonnulla insuper perpendere debuit immutatae Rubricae consectaria, quae novam aliquam opportunam dispositionem prorsus requirere censebantur. Compertum quippe est, coarctata translationum serie, superesse quidem, iuxta novae editae legis finem, sedes quamplures omnino liberas ad nova officia in Kalendariis introducenda'; interim tamen haud leviter inde augeri onus Officiorum Ferialium ; quod imminuto hodie cleri numero, auetisque aliis eius oneribus, minime convenire existimatur. Quemadmodum praeterea nuper Sanctitas Sua, ad evitandum ne Officia Sanctorum Benedicti Abbatis, Dominici et Francisci Confessorum, vigore immutatae Rubricae, saepe ad simplicem ritum reduci aut penitus omitti debeant, illa, attenta etiam tantorum Fundatorum praestantia, ad ritum Duplicis maioris elevavit; ita pariter censetur providendum quoad Festa Commemorationis Sancti Pauli Apostoli, et Sanctorum Angelorum Custodum; perpensa peculiari utriusque Officii qualitate, nec non specialibus Rubricarum privilegiis, quibus ea hactenus gavisa sunt. Tandem animadvertere, hac oblata occasione licuit, commemorationem de octava Sanctorum Apostolorum Petri et Pauli, impediri festo Pretiosissimi Sanguinis Domini Nostri lesu Christi ritus duplicis secundae classis, ac festo Visitationis Beatae Mariae Virginis ad eumdem ritum recenter elevato. Quod aegre ferendum Romae * Nr. 4101. Novae dispo- ’ sitiones circa officium divinum, in choro et extra cho,- rum persol-* vendum et sacram liturgiám.
