Circulares litterae dioecesanae anno 1882 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

X.

47

x.

Historiae notitia vel leviter tinctos non latet carnificina, cuius in Sicilia victimae ceciderunt anno 1282 vix non omnes Galli, quotquot sub Rege Carolo Andegavensi eo commigrarunt, sive ut ibi magistratus gererent, sive ut qua cives considerent. Siculorum, tyrannide praememorati Regis eiusque administrorum in desperationem actorum, furor in innocentissimos quoque Gallos die 28. Martii, postridie Paschatis dicti anni Panormi eo erupit momento, quo populus pro solemnibus Vesperis sonitu campanarum evocabatur; unde carnificina illa nomine Vesperarum Sicularum in historia audit. Ferocis hujus eventus saecularem memoriam magno cum apparatu, nec minori cum clamore et ostentatione huius anni 28-a Martii celebrare in Sicilia placuit. Exoptatam hinc Ecclesiae et S. Sedis hostes carpebant occasionem in ipsam Apostolicam Sedem invehendi et Summorum Pontificum memoriam injuriis, calumniisque commaculandi. Contra horum iniquissima molimina, efiutitasque cavillationes protestati sunt Siciliae Episcopi datis ad Summum Pontificem Leonem XIII. litteris, quibus sanctissimus Dominus Noster respondit subnexa epistola, cuius tenor est sequens:

SANCTISSIMI DOMINI NOSTRI

LEONIS

DIVINA PROVIDENTIA

PAPAE XIII.

EPISTOLA

AD ARCHIEPISCOPOS EPISCOPOS ALIOSQVE LOCORVM ORDINARIOS IN REGIONE SICVLA.

LEO PP. XIII.

VENERABILES FRATRES ET DILECTI FILII Salutem et Apostolicam Benedictionem.

Sicut multa audacter et insidiose ii susceperunt, qui de pernicie catholici nominis iarndiu cogitant: ita nominatim videntur decrevisse, vim quamdam popularis invidiae in Pontifices maximos excitare. — Quod quidem ipsorum consilium quotidie magis illustratur et erumpit. Omnem enim occasionem vituperandorum Pontificum datam avide arripiunt, non datam studiose captant : incorruptis rerum gestarum monumentis posthabitis, fictos

Nr. 2321.

. Epistola Beatissimi Patris t ad Antistites Siciliae.

1

1

i

1

1

1

.

1