Circulares litterae dioecesanae anno 1882 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

IX.

45

IX.

Ut quod eatenus emanavit, inferius subnectendum S. Congregationis decretum, sive resolutio, plenius intelligatur, juYat praemittere

Compendium facti. — Antistes C. supplici oblato libello die 13. Novembris elapsi anni S. C. C. exposuit: in Ecclesiis parochialibus suae Dioecesis, diebus festis, a Parocho, vel Vice-parocho vel etiam ab alio sacerdote Missam parochialem nuncupatam solemniter cum cantu celebrari et inter Missarum solemnia fieri quoque ss. Evan- gelii explanationem. Fideles porro firmiter putantes, illam semper pro ipsis applicari, ad eam audiendam libenter confluunt. At pro populo applicatur nonnisi dum illam Parochus canit, qui pluribus distentus curis frequenter cogitur huiusmodi munus alteri sacerdoti demandare. Hinc Episcopus optans, fideles in hac erronea persuasione diutius haud versari, ac simul advertens, quod si id pernoscerent aegre ferrent, et non amplius tam diligenter ad illam Missam audiendam accederent, a S. C. C. quaerit:

1. Utrum praedicta urgens consuetudo sit habenda tamquam causa canonica sufficiens, ut Parochus alii committat Missam pro populo loco ipsius celebrandam.

2„ Posito, quod non sit causa sufficiens, ut pro gratia nihilominus concedatur

facultas.

RESOLUTIO. Sacra C. Concilii sub die 9. Aprilis 1881. respondit:

Ad I. Negative.

Ad II. Non expedire.

Ex quibus colliges :

I. Missae applicationem pro populo ita esse personalem, ut S. C. C. saepe damnaverit ceu a iure abnormem, consuetudinem huic oneri per alium satisfaciendi.

II. Nam ex Tridentino praecipitur omnibus, quibus cura animarum commissa est, non aliis, oves suas cognoscere et pro his sacrificium offerre, nisi fuerint legitime impediti.

III. Ideo, data occasione, resolvit S. C. C. cogendos esse huiusmodi rectores animarum ad subeundum per seipsos et non per alios omnia munia parochialia, quibus praecipue accensetur Missa pro populo.

IV. Adiuncta in themate talia fuisse, quae iudicio EE. PP. causam non constituerunt iustam, ut parochi sequi possent adimplere per alios onus sibi personaliter impositum, iuxta generalem regulam.

Strigonii, die 10-a Aprilis, 1882.

Nr. 1899.

Missae pro parochiano populo a Parocho suntce- lebraadae.