Circulares litterae dioecesanae anno 1881 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

VI.

3° — jFinis hujus Societatis est a SS. Corde Jesu per merita B. Mariae Immaculatae, per intercessionem omnium Sanctorum Lerinensium et per preces nostras multiplicatas, majorem Sacerdotum sanctificationem obtinere, et sic Ecclesiae triumphum festinare.

4° — Ut quis adscribi possit, oportet et sufficit: 1° dare nomen suum, praenomina et dignitates, quae a Patre Directore, tabulis in sacello SS. Cordis Jesu depositis, inscribentur : 2° dicere quotidie ante Missae celebrationem sequentem orationem liturgicam:

0 Mater pietatis et misericordiae, beatissima Virgo Maria, ego miser et indignus peccator, ad te confugio toto corde et affectu, et precor dulcissimam pietatem tuam, ut sicut dulcissimo Filio tuo in Cruce pendenti astitisti, ita et mihi misero sacerdoti, et sacerdotibus omnibus, hic et in tota Sancta Ecclesia ipsum hodie offerentibus, clementer assistere digneris; ut, tua gratia adjuti, dignam et acceptabilem hostiam in conspectu summae et individuae Trinitatis offerre valeamus. Arnen.

5° — Societatis favores haec sunt: 1° peculiarem habere partem in Missa quotidie in sacello SS. Cordis Jesu celebrata ; 2° ad Sacerdotum sanctificationem auxilium conferre; 3° omnibus denique indulgentiis Societati concessis, gaudere.

6° — Indulgentiae plenariae.

1° Die receptionis in Societatem ; 2° in articulo mortis; 3° in festis SS. Cordis Jesu et Purissimi Cordis Mariae; 4° in festis S. Francisci Salesii E. Eccl. Doct., S. Bernardi Ab. Eccl. Doct. et S. Vincentii a Paulo Conf.; 5° tandem cuique aggregato orationem 0 Mater pietatis, quotidie recitanti indulgentia partialis quotidiana 50 dierum conceditur; insuper indulgentiam plenariam semel in mense, die quam ipse elegerit, lucrabit.

7° — Orationes breves de consilio dicendae.

Cor dulce Jesu esto amor meus. (300 dierum indulg. Pius IX, 13 maii 1875.)

Jesu mitis et humilis corde, fac cor meum sicut Cor tuum. (300 dier. indulg. Pius IX, 25 januarii 1868.)

Cor dulce Mariae esto salus mea. (300 dier. indulg. Pius IX, 30 septembris 1852.)

Benedicta sit sancta et immaculata Conceptio Beatae Virginis Mariae, Matris Dei. (300 dier. indulg. Leo XIII, 10 sept. 1878.)

O Jesu, nos Sacerdotes, etc.

8° — Zelus aggregatorum.

Quisque aggregatus Societatem notam tacere aliis Sacerdotibus conabitur, quos etiam adhortabitur ut ipsi in ea inscribantur; ita ut, si fieri potest, nullus sit Sacerdos in universo orbe catholico quin aggregetur.

9° — Incitamenta pretiosa.

Multa jam insignis 111. et RR. Episcoporum benevolentiae erga Dominaui Nostram de Presbyteris indicia accepimus. Longum autem esset illa gloriosa enumerare testimonia \ attamen non possumus non referre pulcherrima verba SS. D. N. Papae Leonis XIII in gratiam memoratae Consociationis.

„Romae, die 8 octobris 1879.

„Omnibus et singulis, qui piae societati nomen dederint Apostolicam Benedictionem speciali affectu impertimur, ut orationibus instantes Deum ad misericordiam flectant propitiumque efficiant.

T.pn PP xm«

Strigonii, die 22-a Martii, 1881.