Circulares litterae dioecesanae anno 1881 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
V.
29 Sub 7-a Januarii 1879. Nr. 461. publicatum est S. Congregationis Indulg. et Reliquiar. decretum, vigore cuius omnis cum SS. Reliquiis mercatus prohibetur. — Subnexae, et ad Episcopos directae Eminentissimi ac Rssmi D. Cardinalis Vicarii Urbis litterae perhibent, praedictum decretum non ubique observari; unde etiam porro discimus, eo impietatis nonnullos, lucri bono odore impulsos, prolapsos fuisse, ut scienter falsas reliquias, ad imitationem genuinarum compositas ac adornatas venui exponere, incautosque decipere veriti non fuerint, nec vereantur. — Quaenam eapropter cautelae adhibendae sint, legenti patebunt ex ipsis illis litteris, quarum tenor est sequens: Ulme ac Revme Domine ! Vigesimus iam fere annus est, ex quo nullum beatorum martyrum corpus e coemeteriis romanis, quae Catacumbae dicuntur, in lucem extractum, piae fidelium venerationi, legitima auctoritate, propositum est. Quapropter, licet petentibus multis, ut sibi aliqua martyrum corpora concederentur, nullo modo piis eorum desideriis satisfieri potuit. Sed proximis his praeteritis annis, eiectis e suis aedibus cum viris religiosis, tum virginibus sacris, effectum est, ut plures ecclesiae diruerentur vel publicarentur, et Sanctorum reliquiae, quae iamdiu e coemeteriis extractae et arculis ligneis reconditae intra monasteriorum claustra vel sub altaribus delitescebant, una cum reliqua ecclesiarum supellectile per Italiam publice venumdarentur. Non defuerunt homines a ffde alieni et vel ipsis infidelibus ehristiani homines peiores, qui spe lucri eas emerent, earumque veluti monopolium constituere adniterentur. Quod exsecrabile commercium statim ac innotuit Sanctissimo Domino Nostro Leoni XIII. Pontifici Maximo, venditores pariter atque emptores ab incoepto deterruit eo decreto, quod eius iussu sacra Congregatio indulgentiis et sacris Reliquiis praeposita edidit die 21 Decembris anno 1878. Attamen, quae temporum perversitas est, homines pecuniae tantum inhiantes animaeque negligentes, cum non amplius in Pontifice Maximo eam potestatem revereantur, qua a re tam nefaria coerceri potuissent, occulte ac maiori studio ab incoepto opere minime destiterunt. Interim véro plures Christifideles, ignorantia huius decreti, Dei et religionis amore ducti, recte se agere putantes si ex infidelium manibus reliquias Martyrum redimerent, arculas ligneas quibus illae continebantur, ingenti etiam pretio, sibi comparaverunt, easque ad lipsanothecam urbanam, ut probarentur, detulerunt. Earum igitur nonnullae veteres litteras authenticas secum afferebant, aliae autem iis prorsus carebant; omnes cum Nr. 1603. Cardinalis Vicarii Urbis litterae circa quaestum cum SS. Reliquiis.
