Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

XV.

87

XY.

Sanctissimus Dominus Noster celeberrima sua Encyclica „Aeterni Patris“ Catholicis Academiis, Lyceis, Universitatibus, doctisque viris studium Philosophiae S, Thomae Aquinatis impensius commendavit. — Eruditissimam et argumentorum pondere gravem illam Encyclicam catholici ubique locorum summo cum jubilo exceperunt. — Inventi sunt, et plurimi quidem, qui enixissimis precibus id a Summo Pontifice impetrare adnisi sunt, ut Doctor Angelicus, quem plures jam studiorum Patronum suspexerunt ac coluerunt, Patronus Studiorum optimorum in universa Ecclesia declararetur, proclamaretur. — Porrectas sibi scopo hoc preces Beatissimus Pater clementei exaudivit, et exquisita sententia S. Congregationis Rituum S. Thomam Doctorerr Angelicum suprema Sua auctoritate Patronum declaravit Universitatum, Studiorum, Academiarum, Lyceorum, scholarumque catholicarum ope subnexi Rescripti :

LEO PP. XIII.

AD PERPETUAM REI MEMORIAM.

Cum hoc sit et natura insitum et ab Ecclesia catholica comprobatum, ut a viris sanctitate praeclaris patrocinium, ab excellentibus autem perfectisque in aliquo genere exempla ad imitandum homines exquirant; idcirco Ordines religiosi non pauci, Lycea, coetus litteratorum, Apostolica Sede approbante, iamdiu magistrum ac patronum sibi sanctum Thomam Aquinatem esse voluerunt, qui doctrina et virtute, solis instar, semper eluxit. Nostris vero temporibus, aucto passim studio doctrinarum eius, plurimi extiterunt, qui peterent, ut cunctis ille Lyceis, Academiis, et scholis gentium catholicarum, huius Apostolicae Sedis auctoritate, patronus assignaretur. Hoc quidem optare se plures Episcopi significarunt, datis in id litteris cum singularibus tum communibus ; hoc pariter studuerunt multarum Academiarum sodales et collegia doctorum supplice atque humili obsecratione deposcere. — Quorum omnium incensas desiderio preces cum differre visum esset, ut productione temporis augerentur, idonea ad rem opportunitas accessit ab Encyclicis Litteris Nostris De philosophia Christiana ad mentein s. Thomae Aquinatis Dodoris Angelici in scholis catholicis instauranda, quas superiore anno hoc ipso die publicavimus. Etenim Episcopi, Academiae, doctores decuriales Lyceorum, atque ex omni terrarum regione cultores artium optimarum se Nobis dicto audientes et esse et futuros una pene voce et consentientibus animis testati sunt: imo velle se in tradendis philosophicis ac theologicis disciplinis sancti Thomae vestigiis penitus insistere ; sibi enim non secus ac Nobis, exploratum esse affirmant, in doctrinis Thomisticis eximiam quamdam inesse praestantiam, et ad sananda mala, quibus nostra premitur aetas, vim virtutemque singularem. Nos igitur, qui diu multumque cupimus, florere scholas disciplinarum universas tam excellenti magistro in fidem et clientelam commendatas, quoniam tam clara et testata sunt communia omnium desideria, maturitatem advenisse censemus decernendi, ut Thomae Aquinatis immortale decus novae huius accessione laudis cumuletur.

■Nr. 3627.

Rescriptum Apostolicum : de Sancto Thoma Aqui- ‘ nate Patrono Coelesti studiorum declarato.

1

i

t

1

l

i