Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XII.
66 Nr. 2903. Fundatio facta pro pauperibus. absolvitur Missa cantata ipso die festo celebranda, novem porro litaniis sub exposito Sanctissimo, et totidem sacris sermonibus ante litanias pronunciandis. Strigonii, die 27-a Junii, 1880. Illmus ac Rssimus D. Josephus Szabó, cons. Episcopus Nilopolitanus, E. M. ; Strig. Custos-Cannoicus, in spiritualibus Vicarius et Causarum Auditor Grabs; in Pontificalibus Auxiliaris etc. etc. quod Sacerdotii sui jubilaeum attigerit, grati animi sensa erga Deum, qui ut in Ecclesiastico legimus . dat sanitatem et vitam et benedictionem“ contestaturus, multis suis benefactis novum adjecit, r elutae urbarialitatis chartas in valore 3500 fl. mon. conv. ea cum destinatione offerendo, ut huius summae capitalis census perpetuo cederet pauperibus, quibus qui subsidia vitae sive eleemosynam tribuit, quasi ipsi Domino tribueret. „Arnen dico vobis, dicit Christus, quamdiu fecistis uni ex his fratribus meis minimis, mihi fecistis.“ — Latere quidem voluit pauperum benefactor, sed qui dixit : „Te autem faciente eleemosynam, nesciat sinistra tua, quid faciat dextera tua* dixit etiam „Sic luceat lux vestra coram hominibus : ut videant opera vestra bona, et glorificent patrem vestrum, qui in coelis est.“ — En causam, ob quam benefactum reticeri non debuit. Strigonii, die 27-a Junii, 1880. Nr. 2904. Decretum Neapolitan, beatificationis et canoniza- tionis ven. servi Dei Januarii Mariae Sarnelli, Sacerdotis Congregationis SS. Redemptoris Est sequentis tenoris : Quum die 14 Novembris 1878 a Sanctissimo Domino Nostro Leone Papa XIIÍ benigne indultum fuerit, ut de fama Sanctitatis vitae, Virtutum et Miraculorum in genere Ven. Servi Dei Ianuarii Mariae Sarnelli praedicti ageretur in Congregatione sacrorum Rituum Ordinaria, absque interventu et voto Consultorum, ad instantiam Reverendissimi Patris Brixii Costantini Queloz, Procuratoris Generalis Congregationis Sanctissimi Redemptoris et huius Causae Postulatoris, Eminentissimus et Reverendissimus Dominus Cardinalis Aloisius Bilio, eiusdem Causae Ponens, sequens Dubium discutiendum proposuit in Ordinariis sacrorum Rituum Comitiis, subsignata die ad Vaticanum habitis, nimirum : An constet de validitate et relevantia processus NeapoliAuctoritate Aposto/ica constructi, super /ama Sanctitatis vitae, Virtutum, et Miracu- lorum, in genere praefati Servi Dei in casu et ad effectum de quo agitur ? Eminentissimi et Reverendissimi Patres sacris tuendis Ritibus praepositi, omnibus accurate perpensis, auditoque voce et scripto R. P. D. Laurentio Salvati, sanctae Fidei Promotore, rescribendum censuerunt: Affirmative. Die 18 Decembris 1879. Quibus per subscriptum Secretarium Sanctissimo Domino Nostro Leoni Papae XIII fideliter relatis, Sanctitas Sua rescriptum sacrae Congregationis ratum habuit et confirmavit. Die 8 Ianuarii 1880. D. Card. BARTOLINIUS S. R. C. Praefectus. L. f S. Strigonii, die 27-a Iunii 1880. Placidus Ralli S. R. C. Secretarius.
