Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

X.

57

X.

Quam Sanctissimus Dominus Noster anno jam praeterlapso declaravit voluntatem, novam nimirum procurandi omnium S. Thomae Aquinatis operum editionem, eam exequuturus, et sumptus designavit, ad tantum opus perficiendum requisitos, et viros deputavit doctrina et dignitate eminentissimos, qui nulli studio nullique labori parcent, ut tanti Doctoris, quem de se bene scripsisse Christus Dei Filius testatus est, operum quam correctissimam et maxime completam editionem efficiant, in se complectentem illos etiam ingenii sancti Auctoris foetus, qui ad nostra usque tempora abditi et ignoti jacuerunt in pulveribus bibliothecarum, nec nisi nunc ad lucem protracti fuerunt. Decretum, ope cuius sumptus assignantur, et commissarii deputantur novae editionis sic sonat:

„Motu proprio SSmi D. N. Leonis XIII. quo Deputatio trium Emmorum Cardinalium constituitur ad dirigendam et curandam omnium operum S. Thomae Aquinatis editionem.

LEO PP. XIII.

Motu proprio.

Placere Nobis, omnia S. Thomae Aquinatis Opera de integro publicari, superiore anno significavimus per Litteras Nostras idibus Octobribus datas ad Cardinalem Praefectum Sacri Consilii studiis disciplinarum regundis. Eiusque caussam propositi hanc esse diximus, ut longe lateque fluat Angelici Doctoris excellens sapientia, qua opprimendis opinionibus perversis nostrorum temporum fere nihil est aptius, conservandae veritati nihil efficacius. Nunc autem quia commodum videtur esse manum operi admovere, decernenda Nobis nonnulla esse censemus, quae spem laetam portendunt, futurum ut coepta Nostra ad exitus pervehantur optatos.

Primum itaque, ne almae Urbi Nostrae haec pereat laus, editionem, quam supra diximus, reservatam esse volumus Officinae librariae Sacri Consilii Christiano nomini propagando, clarae jam ob alia magnae molis et laudati operis edita volumina.

Editioni autem curandae destinamus ac praecipua auctoritate praeesse volumus tres sanctae Romanae Eclesiae Cardinales; scilicet Antoninum de Luca Praefectum Sacri Consilii studiis regundis ; Joannem Simeoni Praefectum Sacri Consilii Christiano nomini propagando ; Thomam Zigliara ex Familia Dominiciana, ad disciplinam S. Thomae apprime institutum atque eruditum. His autem jus et potestas esto statuendi ac decernendi Nostro nomine quidquid ad rem pertinere intellexerint. Quare prospiciant ut omnia ac singula Angelici Doctoris Opera integra prodeant, additis clarissimorum Interpretum Thomae de Vio Cardinalis Cajetani in Summam Theologicam et Francisci de Sylvestris Ferrariensis in Summani contra Gentiles commentariis. Similiter curent et provideant ne literarum optima forma, ne accurata emendatio, ne intelligens in rerum singularum delectu judicium desideretur; ac demum constituant quo ordine, quo tempore singula volumina in lucem oporteat proferri.

Quod vero ad expensas attinet, argenteorum italicorum CCC millia Nos ultro damus atque addicimus suppeditandis sumptibus in praesenti necessariis. Reliquo autem tempore necessarios suppeditari volumus ex eiusdem Sacri Consilii Fidei proNr. 2235.

De nova editione omnium operum S. Thomae Aquin.