Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
IX.
53 IX. Pro statu notitiae communicantur S. Rituum Decreta: I. Bellovacense. R. D. Adriano Pillou e Dioecesi Bellovacensi exquirenti ut applicentur Indulgentiae Stationum Viae Crucis cuidam chartae seu folio impresso vulgo nuncupato Croix indulgence:e; a Sacra Rituum Congregatione, audito voto Coadiutoris Assessoris, responsum tuit : Non expedire.. Die 28. Aprilis 1873. II. A r b o r e n s e. Rmus D. Antonius Soggiú Archiepiscopus Arboren. a Sacra Rituum Congregatione humillime insequentium Dubiorum solutionem expostulavit, nimirum : DUBIUM I. An cum Episcopus vestibus sacris induitur, Crux pectoralis, quae a Caeremoniali post Albam et Cingulum sumenda praecipitur, debeat post acceptam Tunicellam et Dalmaticam et Planetam extrahi et in aperto poni, ita ut supra omnes sacras vestes appareat, vel potius suo in loco, scilicet supra Albam et sub aliis vestibus, quin ab aliis conspici queat, relinquenda sit ? Equidem de illa extrahenda et in aperto ponenda Caeremoniale non loquitur, et in ea extrahenda nonnihil fastidii et indecori saepius experitur : commodius autem poterat post omnes sacras vestes accipi ubi in omnium conspectu ponenda foret. Contra vero Crux illa in propatulo ante pectus Episcopi posita maius affert eidem ornamentum et decus, et ita a multis fieri consuevit. DUBIUM II. An eadem Crux pectoralis, quae ab Episcopo in sua Dioecesi supra Mozzettam ante pectus gestari solet, debeat, quum ipse in aliena Dioecesi repentur, abscondi vel deponi; vel potius in aperto supra mantellettam, et in sacris functionibus supra sacras vestes gestari possit et debeat ? DUBIUM III. An in Adventu, in Septuagesima et in Quadragesima et extra ea tempora in omnibus Feriis VI debeat Episcopus (exceptis Festis solemnibus) vestibus nigri coloris et etiam caligis nigris uti, etiamsi Officium duplex agatur ? Sacra vero eadem Congregatio, referente subscripto Secretario, audita sententia alterius ex Apostolicarum Caeremoniarum Magistris, re mature accurateque perpensa, propositis Dubiis rescribendum censuit: Ad I. Servetur dispositio Caeremonialis Episcoporum L. II. cap. 8. Ad II. Servetur consuetudo. Ad III. Servetur dispositio Caeremonialis Episcoporum L. I. cap 3. ubi distincte et clare notantur vestes quibus Episcopus uti debet in diversis anni temporibus. Atque ita rescripsit et servari mandavit die 14 Iunii 1873. •'.G 1 '~f■<ry'' , •/1 j ■. ■ .jIII. Ordinis Minorum S. Francisci Cappuccinorum. Rmo. P. Provinciali Ordinis Minorum S. Francisci Cappuccinorum in Belgio et Hollandia exquirenti approbationem novae Coronae ad usum Tertiariorum, responsum fuit : Non expedire. Die 14 Iunii 1873. Nr. 2166. S. Rituum Congregationis Decreta quaedam.
