Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXII.
125 XXII. Dispositiones de mixtis matrimoniis et matriculis cum respectu ad §§. 53. et 60. artic. XL. a. 1879. sive Codicis poenalis de transgressionibus ddto 11. Augusti h. a. Nr. 3900. dimissae, habita ratione tardius mihi redditi in eodem objecto Decreti S. Congregationis S. Officii in aliquibus, signanter quoad dispensationem in vetito mixtae religionis nupturientium modificatae et auctae, in subnexo Circularibus Dioecesanis litteris inseruntur, et pro directivo notitiae statu et observantia republicantur: Doctrinam Ecclesiae de mixtis matrimoniis, conditiones porro sub quibus talia matrimonia inire Catholicis integrum est, pastoralem denique in his procedendi modum tum ex antiquioribus praesulum encyclicis litteris, tum e decretis conciliorum provincialium, in patria nostra recentiori aevo celebratorum, probe noscunt pastores animarum. Restat, ut ea iterum iterumque relegant, et dispositiones Ecclesiae fideli populo solerter omnique zelo commendent. Ecclesia catholica mixta matrimonia numquam probavit, nec probat sed tolerat tantum, ut minus malum ad evitanda mala maiora; nec igitur benedictionem his matrimoniis impertitur, nisi praescriptis abs se conditionibus per partem catholicam satisfiat, quarum praecipua est: securitas de omnibus utriusque sexus prolibus in catholica religione educandis. Lex quidem patria anni 1888. LIII. §. 12. disposuit, ut proles masculae patris, femellae matris religionem sequantur, adeoque lex ista a praememorato et notissimo catholicae Ecclesiae, utriusque sexus prolium catholicam educationem urgentis, postulato recessit. Ast praxis eam legi huic dedit interpretationem, quod considerata fuerit illa pro talibus nonnisi casibus lata, in quibus nupturientes jure suo naturali minime sunt usi, nec quidquam praevie statuerunt de futura suscipiendarum prolium educatione. Plurimi namque firmiter tenuerunt, ad ius parentum pertinere de religiosa prolium educatione congrua statuere; nec opus esse legali norma, nisi tunc, ubi litis circa haec nefors decisio a statu publico postulata fuerit. Haud pauci proinde desponsorum se iure suo parentali uti posse crediderunt, et utriusque sexus prolium catholicam educationem sponte statuerunt, promiserunt, imo obtulerunt; consequenter, fide partis catholicae a perversionis periculo caeteroquin in tuto collocata, nuptialis etiam benedictionis participes reddi potuerunt. — Sic in praxi intellectam fuisse legem, ipsum proiectum codicis poenalis de transgressionibus, quod Exc. R. Ministerium Comitiis regni proposuit comprobare videtur. — In hoc namque legis proiecto §. 53. art. XL. nonnisi in illos animarum curatores erat poena statuenda, qui contra voluntatem et citra consensum parentum aut tutorum susciperent minorennes proles Nr. 5000. Dispositiones de mixtis matrimoniis et matriculis alias dimissae republicantur.
