Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XXI.
121 XXL Qui a die 27-a futuri mensis Novembris usque successive 18-am Decembris Ecclesiam vel Oratorium Congregationis S. Vincentii a Paulo : nempe vel Lazaristarum, ubi hi existunt, vel Sororum charitatis, quarum complura apud nos quoque dantur domicilia, visitaverint, et ibi praescriptas preces devote persolverint, caeterasque conditiones observaverint, Indulgentias lucrari poterunt a SSmo Domino Nostro concessas ope subnexi Rescripti Apostoliéi : LEO PP. XIII. UNIVERSIS CHRISTI FIDELIBUS PRAESENTES LITTERAS INSPECTURIS, SALUTEM ET APOSTOLICAM BENEDICTIONEM. Acceptae nuper a Nobis nomine filii Ioannis Baptistae Borgogno, procuratoris generalis Presbyterorum saecularium Congregationis missionum supplicationes praeferebant, die vigesima septima proxime futuri mensis novembris, ab universa religiosa Sancti Vincentii a Paulo familia, in omnibus et singulis ecclesiis, et oratoriis respectivae piae domui praefatae Congregationis adnexis, festivitatem quamdam in honorem Beatissimae Deiparae Virginis Immaculatae peculiari cultu celebratum iri. Ac ne quid spirituali fidelium solatio ex fausta occasione desit, supplicatum nobis fuit, ut plenariam praedicto die et partialem nonnullis aliis ut infra diebus lucrandam ex benignitate Nostra Apostolica impertiri dignaremur. Porro nos exhibitis huiusce modi precibus obsecundare volentes, et ad augendam fidelium religionem animarumque salutem coelestibus Ecclesiae thesauris pia charitate intenti omnibus et singulis tam religiosis viris quam monialibus ex memorata Congregatione Sancti Vincentii a Paulo, et externis utriusque sexus Christi fidelibus, si clausurae leges id sinant, qui vere poenitentes et confessi ac sacra Communione refecti respectivam cuiusque piae domus ex hac Congregatione ecclesiam seu oratorium die vigesimo septimo proxime futuri mensis novembris a primis vesperis usque ad occasum solis diei huiusmodi devote visitaverint, ibique pro Christianorum Principum concordia, haeresum extirpatione, peccatorum conversione ac Sanctae Matris Ecclesiae exaltatione, pias ad Deum preces effuderint plenariam omnium peccatorum suorum indulgentiam et remissionem misericorditer in Domino concedimus. Praeterea eisdem religiosis viris et monialibus necnon aliis, ut supra Christi fidelibus qui corde saltem contriti respectivam ecclesiam cuiusque piae domus Congregationis Sancti Vincentii a Paulo, a die praefato vigesimo septimo futuri mensis novembris ad diem Nr. 4797. Tndulgentiae concessae visitantibus Ecclesias vel oratoria Congregationis 8. Vincentii a Puulo.
