Circulares litterae dioecesanae anno 1880 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
XVIII.
107 XVIIÍ. ]. MEXICANA de praeconio Paschali. Ex immemorabili tempore in Metropolitana Mexici mos inolevit, ut Praeconium Paschale non per Diaconum, qui Missae inservit, decantetur, sed per subcantorem aut aliquem ex clericis Chori, qui cantum calleat. Quum autem morem hunc immutare admirationi dare posset locum, Rmus D. Pelagius Antonius Lavastidas hodiernus Archiepiscopus a S. R. C. praefati usus continuationem humiliter imploravit. Sacra vero eadem Congregatio, audita relatione huiusmodi instantiae per infra- scriptum Secretarium facta, rescribere rata est: Pro gratia, dummodo Cantor sit in ordine Diaconatus, facto verbo cum SSmo. Die 2 Aprilis 1875. Facta autem de praedictis SSmo D. N. Pio Papae IX. fideli relatione a subscripto Secretario, Sanctitas Sua benigne annuere dignata est pro gratia ad tramitem rescripti sacrae Congregationis. Die 8 eiusdem mensis et anni. 2. A RETI NA de benedictione vel consecratione Ecclesiae. Rmus D. Iosephus Giusti Episcopus Aretin. sacrorum Rituum Congregationi insequenda Dubia solvenda humiliter proposuit, nimirum: Dubium I. An Ecclesia iam consecrata et postea mutata in sepulchretum indigeat nova consecratione vel tantum benedictione, ut cultui divino restituatur, quum modo Paro chus et populus velint illam iterum reducere a<l usum Ecclesiae, quum coemeterium vulgo a sterro circa ipsam efformatum sit ? Dubium II. Extat Aretii Ecclesia, cui nomen Sancta Maria de Plebe, monumentális, quae affabre instauratur, antiquissima et in qua insigne adest Capitulum. In instauratione fieri debuit murus integer et absis. Tota Ecclesia novo tectorio est inducta et affabre instaurantur partes quaecumque deficientes. Quaeritur an, cum divino cultui est restituenda, debeat iterum consecrari? Sacra vero eadem Congregatio, reterente subscripto Secretario, audito voto in scriptis alterius ex Apostolicarum Caeremoniarum Magistris rescribendum censuit: Ad I. In casu Ecclesiam ad maiorem solummodo decentiam ac reverentiam esse benedicendam. Nr. 4312. 8. Rituum Congregationis Decreta.
