Circulares litterae dioecesanae anno 1879. ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

V.

37

et sanctissimum Eucharistiae Sacramentum suscipiant. 2) Ut intra hoc temporis spatium semel jejunent, unica per diem refectione, et esurialibus cibis utentes. 3) Ut Ecclesias designatas, si tres designatae fuerint, bis, si duae ter, si vero unica tantum designata fuerit, illam sexies eodem temporis spatio visitent, ibique toties, quoties visitaverint, per aliquod temporis spatium pro Catholicae Ecclesiae et Apostolicae Sedis prosperitate et exaltatione, pro exstirpatione haeresum, omniumque errantium conversione, pro Christianorum Principum concordia, ac totius fidelis populi pace et unitate juxta mentem Summi Pontificis, Jubilaei indulgentiam concedentis, pie ac devote orent. Denique 4) ut aliquam eleemosynam in pauperes, vel in pium aliquod institutum ac opus, prout unicuique devotio suggeret, erogent. Quoad rectam intelligentiam harum conditionum, speciatim S. Confessionis et Communionis, nec non jejunii et precum in Ecclesiarum visitatione recitandarum doceant populum fidelem, unica Confessione et Communione non posse satisfieri praecepto Paschali, et simul acquiri Jubilaeum, quemadmodum S. Poenitentiaria Apostolica sub 25-a Januarii, 1875. ex Apostolica Auctoritate declaravit, ut adeo nemo indulgentiam Jubilaei lucrari possit, qui praeter lege praeceptam Confessionem et Communionem Paschalem aliam et Confessionem et Communionem praecise scopo lucrandi Jubilaei non peregerit. ‘) Haud absimiliter jejunium, tamquam conditio lucrandi Jubilaei praescriptum alia die observandum est, quam qua alioquin lege praeceptum ac ideo tenendum est; huic igitur conditioni non potest satisfieri in Quadragesima, neque v. g. in Vigilia Pentecostes, ut patet ex his Apostolicarum Litterarum verbis: „ac semel intra praefatum tempus esurialibus tantum cibis utentes jejunaverint, praeter dies in quadragesimali induito non comprehensos, aut alias simili stricti juris jejunio ex praecepto Ecclesiae consecratos.“ Quod tandem adtinet ad preces, quae in visitatione Ecclesiarum effundendae sunt, in Pastoralibus sub 4. Febr. 1875, Nr. 621. de Jubilaeo aeque editis Litteris monui, Ecclesias non qualitercunque, sed devote visitandas et preces cum pietate recitandas esse, satisfierique huic conditioni, si in qualibet Ecclesia et in qualibet visitatione quinquies Oratio Dominica et Salutatio Angelica recitata fuerit.

Restat, ut Ecclesias visitandas designem, vel circa designationem congrua disponam, quod mearum esse partium clare innuunt Apostolicae Litterae. Itaque Ecclesias per eos, qui gratiae indulgentiarum Jubilaei participes fieri cupiunt, visitandas designo a) Strigonii pro toto territorio : Ecclesiam sive Basilicam Cathedralem, item parochia- lem ad SS. A A. Petrum et Paulum in Reg. Citte, nec non parochialem ad S. Ignatium Conf. in Civit. AEppali; — Budae: Ecclesiam garnizonalem, quae nunc in arce pa- rochialis loco deservit, porro Ecclesiam parochialem ad S. Annam in Aquatica; item Ecclesiam parochialem in suburbio Christinapolitano; — Pestini : Ecclesias parochiales ad Assumptam B.M. V.,item ad S. Theresiam, etS. Josephum;—Posonii: Ecclesiam Collegiatam una parochialem ad S. Martinum E. C., parochialem porro ad SS. Trinitatem, et Societatis Jesu adSSmum Salvatorem;—Tirnaviae: Ecclesiam Collegiatam una parochialem ad S. Nicolaum E. C., Ecclesias item Societatis Jesu et PP. Franciscanorum. — In reliquis Civitatibus, Oppidis et Pagis hanc Ecclesias designandi provinciam defero ac committo concernentibus DD. Parochis aut parochiarum Administratoribus, qui illa sic defungantur, ut ubi tres adsunt Ecclesiae vel etiam publicae Capellae, in quibus Missa celebratur, tres, et ubi

‘) Vide Cire. Dioec. dtto 4. Febr. 1875- Nr. 621. dimissas.