Circulares litterae dioecesanae anno 1878 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae
VIII.
33 Summo Pontifici nótára redderem, simnlque optima gratulantium vota pro omnigena Electi incolumitate, sensa item filialis pietatis, ac humillimi homagii Beatissimo Patri declararem, quod me in audientia, hodierna die apud Summum Pontificem habita, fideliter et libentissime executum fuisse eo addito significo, Beatissimum Patrem sensa, votaque Capituli, Cleri ac fidelis populi per me expressa benigne suscepisse, ac benedictionem suam apostolieam Archi-Dioecesis Clero, populoque peramanter impertitum inisse. Novus Summus Pontifex ante suam exaltationem Joachim Pecci dictus, primam lucem aspexit 2. Martii 1810. in Carpineto Dioecesis Anagniensis, paucos post dies itaque annum aetatis sexagesimum octavum complebit. Sacris ordinibus initiatus varia gessit ecclesiastica et politica in administratione Status Pontificii officia. Die 17. Januarii 1843. Archi-Episcopus Damiatensis in p. infid. consecratus et munus Nuncii Apostoliéi Bruxellis obire jussus est. Exactis hoc in munere tribus annis sanctae memoriae Gregorius XVI. in Consistorio, 19. Januarii 1846 habito, ipsum ad Episcopatum Perusinum transtulit, quam Dioecesira usque ad suam electionem, adeoque per annos vix non triginta duos gubernavit, dignitate etiam S. R. E. Cardinalis tit. S. Chrysogoni auctus, quam 19. Decembris 1853. consequi meruit. Novimus, quam ingens Beatissimi Patris humeris impositum sit munus. Ad partes nostras pertinere dignoscamus alleviare illud sic, prout possumus ac valemus, exacto nimirum officiorum nobis in Ecclesia incumbentium implemento, assiduisque ad Patrem luminum effundendis precibus, ut Eum, quem sui in terris Filii Vicarium esse voluit, conservet, vivificet, protegat ac defendat, suaque omnipotentia, gratia efficiat, ut quae Eidem, ad supportandum tantum onus electo, agenda sunt, videat, et ad ea, quae viderit, in effectum deducenda, semper convalescat. Romae, die 23-a Februarii, 18 78. Joannes Cardinalis Simor m. p. Archi-Episcopus.
