Circulares litterae dioecesanae anno 1878 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

III.

21

Andreae, Jacobi, Joannis, Thomae, Philippi et Jacobi, Bartholomaei, Matthaei, Simonis et Judae, Mathiae, Sancti Josephi Sponsi B. Mariae Virginis, atque omnium Sanctorum, pi- asque ad Deum preces fuderit pro haeresum atque schismatum extirpatione, Fidei Catholicae propagatione, et Christianorum Principum concordia, ceterisque Romanae Ecclesiae necessitatibus, in unoquoque praefatorum dierum plenariam Indulgentiam consequetur.

Qui eadem aliis Festis Domini, aut B. Virginis Mariae peregerit, in quolibet eorum participat Indulgentiam septem annorum ac totidem quadragenarum, qui vero quavis Dominica vel alio anni Festo, Indulgentiam quinque annorum totidemque quadragenarum. Qui demum in alio quocumque anni die ea praestabit, Indulgentiam centum dierum.

Quicumque saltem semel in hebdomada recitare consuevit Coronam aut Rosarium aut Officium B. Mariae Virginis vel Defunctorum, aut Vesperas, vel unum saltem ex Nocturnis, et Laudes, aut septem Psalmos Poenitentiales cum Litaniis et earumdem precibus, quo die id egerit, Indulgentiam centum dierum acquiret.

Quisquis animam suam Deo in articulo mortis devote commendans, ipsamque mortem aequo ac libenti animo de manu Domini suscipere paratus, et vere poenitens confessus ac Sacra Communione refectus, si valeat, alioquin contritus nomen Jesu ore, si potuerit, sin minus saltem corde invocaverit, plenariam Indulgentiam consequetur.

Quicumque ante Missae celebrationem vel sumtionem Eucharistiae, aut recitationem divini Officii vel parvi B. Mariae Virginis, aliquam devotam praeparationem praemiserit, quinquaginta dierum Indulgentiam, qualibet vice id egerit, percipiet.

Qui detentos in carcere, aut aegrotos in Nosocomiis visitaverit, eos aliquo bono opere adjuvando, aut doctrinam Christianam in Ecclesia vel domi filios aut propinquos aut famulos docuerit, toties Indulgentiam biscentum dierum consequetur.

Qui ad pulsum campanae alicujus Ecclesiae mane aut meridie aut vespere consuetas preces Angelus Domini etc. dicet, vel si eas ignoret, semel Orationem Dominicam et Salutationem Angelicam, vel dato signo sub horam noctis orandi pro Defunctis Psalmum De profundis, aut si hunc nescit, Orationem Dominicam, et Salutationem angelicam recitabit, centum dierum Indulgentiam qualibet vice adipiscetur.

Eamdem pariter consequetur Indulgentiam, qui feria sexta devote cogitaverit de Passione ac Morte Domini Nostri Jesu Christi, terque Orationem Dominicam et Salutationem angelicam recitaverit.

Quisquis vere poenitens peccata commissa emendare firmiter proponat, conscientiam suam excutiat, ter Oratione Dominica et angelica Salutatione devote repetitis in honorem Sanctissimae Trinitatis, et ob reverentiam quinque Vulnerum Jesu Christi quinquies devote eamdem Orationem et Salutationem recitet, eamdem Indulgentiam consequetur.

Omnes et singulas antedictas Indulgentias unusquisque memoratis diebus poterit aut pro seipso adipisci, aut Fidelibus defunctis per modum suffragii applicare.

Declarat insuper Sanctitas Sua concessione praefata Iudulgentiarum nullo modo derogari Indulgentiis, quas alii Summi Pontifices praedecessores jam concessere pro nonnullis ex supra indicatis piis operibus, volens easdem suorum praedecessorum concessiones in suo robore permanere.

In distribuendis autem hujusmodi Coronis, Crucibus etc. earumque usu Sanctissimus Dominus Noster servari jubet Decretum fel. rec. Alexandri VII. editum sub die 6. Februarii 1657, nimirum, ut Coronae, Cruces, Rosaria etc. ut supra benedicta, quoad In-