Circulares litterae dioecesanae anno 1878 ad clerum archi-dioecesis strigoniensis a Joanne Cardinale Simor principe primate regni Hungariae et archi-episcopo dimissae

XIX.

102

studii erga hanc Apostolicam Sedem exhibuisti, eos fructus habiturum, qui Ecclesiam illustrent et Nos consolentur, ac in pignus benevolentiae Nostrae et in auspicium coelestium gratiarum apostolicam benedictionem tibi, cunctoque Clero ac Fidelibus Dioecesis tuae peramanter in Domino impertimus.

Datum Romae, apud S. Petrum, die 11 Septembris an. 1878, Pontificatus Nostri anno primo.

Strigonii, die 26-a Octobris, 1878.

LEO PP. XIII.“

Nr. 4681.

Litterae apoatolicae ad generalem Directorem Apostolatus Orationis.

Cum pia unio „Apostolatus Orationis“ nuncupata in hac etiam Archi-Dioecesi suos habeat socios, pretium operae duxi, ad eorum perferre notitiam Rescriptum Apo- stolicum, ad generalem Unionis Directorem exaratum, cuius tenor est sequens:

„LEO PP. XIII.

Dilecte Fili, salutem et apostolicam benedictionem.

Si Moyses, dilecte Fili, precibus saepe continuit Domini dexteram in rebellem populum iratam; si idem, elatis ad coelum manibus, profligavit Amalecitas contra Josue pugnantes; si Samuele clamante ad Dominum pro Israel, caesi fuerunt Philistaei; si Elias instanter orans pluviam tribus annis et sex mensibus cohibitam impetravit: si Joachaz, licet peccatore orante, liberatus fuit Israel de manu Hazaelis et Benadad regum Syriae; si postea toties, implorato divino numine, christiani nominis hostes fusi fuerunt; et Christus ipse dixit: Quodcumque 'petieritis Patrem in nomine meo, hoc faciam: merito sane Apostolaim nomine decorata praefertur illa precum consociatio, quae perseveranter postulat, id a divina virtute fieri in praesentibus Ecclesiae necessitatibus, quod alias ipsa perfecit per Apostolos, et haud raro postea per apostolicos viros ; nempe, ut conterantur vires inferorum, disiiciantur humanae malitiae et impietatis molimina, illustrentur obfuscatae errorum caligine mentes, reformentur mores, ferveat sacrorum ministrorum zelus, pietas novo vigore ubique floreat, et Ecclesia ab omnibus adversitatibus expedita secura Domino serviat libertate. Verum cum Apostolatus iste non aliunde valeat efficaciam mutuari suam, quam ab Illo, qui infinitam in se caritatem cum omnipotentia coniugat; peropportune tu, dilecte Fili, sociique tui mentes affectusque fidelium intendere statuistis per vestrum Nuntium Sacri Cordis in sanctissimum Cor Iesu, a quo sicuti manavit Ecclesia, sic ineffabili amore diligitur.

Quod ut assequamini, fidelium oculis obiicere studetis inexhaustas divini huius Cordis caritatis divitias, ut ipsi in filio Dei nostrae copulato naturae principium spectantes et finem eorum omnium, quae per ipsum creata fuerunt, varios rerum eventus, ad ipsum veluti ad proprium centrum referre discant, utpote ad eius gloriam et Ecclesiae utilitatem ordinatos; inde vero novos sumant animos ad universa pro viribus convertenda ad eumdem finem, et ad iungendas impensius preces suas perpetuae sacratissimi illius Cordis orationi, per quam denique consequantur, quod optant, et expectant. Gaudemus autem, consilium vestrum sic illexisse fidelium pietatem, ut scripta vestra pluribus edita linguis innumeros vobis lectores conciliaverint. Quod cum necessario debeat adducere propagationem cultus Sacratissimi Cordis, fidemque confirmare et caritatem; nequit salu-