Circulares litterae dioecesanae anno 1876 ad clerum archi-dioecesis strigoniensis dimissae a principe primate regni Hungariae et archi-episcopo Joanne Cardinale Simor
XV.
Sanctissimus Dominus Noster gratiam relaxationis, quam in lege abstinentiae ab esu carnium diebus Sabbati per annum, nec non in quibusdam Vigiliis festorum ope Apostoliéi Brevis, ddto 6-ae Maii 1870 exarati, ac per me cum DD. Curatis ddto 26. eiusdem mensis et anni Nro. 2471. communicati, pro Hungáriáé Dioecesibus pro septennio concessit, erga meas nomine etiam reliquorum DD. Hungáriáé Praesulum substratas humillimas preces ad aliud rursus septennium prorogare, sive extendere dignatus est, quemadmodum liquet ex Apostolico ad me dimisso Rescripto, cuius tenor sequens est: PIUSPP. IX. Dilecte Fili Noster salutem et Aplicam Benedictionem. Similibus Litteris Nostris die VI. Maii anno MDCCCLXX. datis Regni Hungarici Sacrorum Antistitum, tuisque precibus annuentes nonnulla quod ad abstinentiam carnium quibusdam diebus ab Ecclesiae legibus praescriptam ad septennium concessimus. Quum vero praefinitum septennii spatium effluxerit, enixe a Nobis, nomine etiam Sacrorum Antistitum ceterorum ejusdem Regni postulas, ut idem Indultum in aliud tempus prorogare, de Aplica benignitate, velimus. Rationum momentis ad rem a Te probatis maturo perpensis examine, hujusmodi precibus, quo iacilius istius Regni Fideles viam salutis terere queant, annuendum existimavimus. Quare omnes et singulos, quibus hae Litterae Nostrae favent, Pastoralis Nostrae charitatis affectu prosequi volentes, et a quibusvis excommunicationis et interdicti, ac aliis ecclesiasticis sententiis, censuris et poenis quovis modo vel quavis de causa latis, quas si forte incurrerint, hujus tantum rei gratia absolveutes, ac absolutos fore censentes, Tibi, dilecte Fili Noster, Aplica Auctoritate Nostra, potestatem ad septennium dumtaxat duraturam facimus, cujus vi omnes et singulos tuae Dioecesis Strigoniensis Fideles ab abstinentia carnium Sabbathis cujusvis hebdomadae, iis tamen exceptis, quae jejunio consecrata sunt, absolvas, iisdemque, Aplica item auctoritate Nostra, concedas, ut singulis Feriis sextis et pervigiliis infra annum salubria adhibere possint condimenta quaecumque, quibus tamen in unica comestione jejunii diebus uti fas erit. Hanc praeterea facultatem ad septennium pariter omnibus et singulis Hungáriáé Sacrorum Antistitibus, ac Nullius Dioecesis Praesulibus, de eadem auctoritate Aplica, pro suae cujusque Dioecesis Fidelibus impertimus, ideoque Tibi, dilecte Fili Noster, mandamus, ut singulis praefati Regni Archiepisco- pis, Episcopis ac Praesulibus Nullius Dioecesis praesentium Litterarum Nostrarum exemplar, manu tua subscriptum et obsignatum transmittas. Durante autem septennio Tibi, dilecte Fili Noster, ceterisque Sacrorum Antistitibus ac Praesulibus supradictis praecipimus, Nr. 4538. Relaxatio in lege abstinentiae diebus Sabbati et in Vigiliis quibusdam ad aliud septennium extensa. XY.
