Circulares litterae dioecesanae anno 1876 ad clerum archi-dioecesis strigoniensis dimissae a principe primate regni Hungariae et archi-episcopo Joanne Cardinale Simor
VIII.
37 Subnexum S. R. Congregationis Decretum perhibet, V. Servum Dei, P. Clementem Mariam Hofbauer, e Congregatione SSmi Redemptoris Sacerdotem, qui diu Vindobonae vixit, et ibi ante annos quinquaginta sex vitam sanctissime finivit, tam theologicas, quam cardinales virtutes in heroico gradu coluisse. Non desunt, qui V. Servum Dei in vivis agentem noverunt, quorum plures, iique spectatissimi, dum processus bea- tificationis et canonisationis eius ageretur, testimonium veritati perhibere non dubitaverunt de sanctitate, qua praefulsit Venerabilis Servus Dei, atque etiam de miraculis, quibus illum, postquam in osculo Domini obiisset, Deus glorificavit. DECRETUM VINDOBONEN. BEATIFICATION1S ET CANONISATIONIS VEN. SERVI DÉI CLEMENTIS MARIAE HOFBAUER SACERDOTIS PROCESSI E CONGREGATIONE SSMI. REDEMPTORIS SUPER DUBIO: An constet de Virtutibus Theologalibus Fide, Spe et Caritate in Deum et Proximum, nec non de Cardinalibus Prudentia, Iustitia, Fortitudine et Temperantia earumque adnexis, in gradu heroico, in casu et ad effectum, de quo agitur? Coelestis Paterfamilias, qui vult omnes homines salvos fieri, ferventes identidem suscitat operarios, eosque in Ecclesiae suae vineam mittit ad evellendas gliscentium vitiorum spinas et eradicanda errorum zizania, quae inimicus homo iugiter superseminare non cessat. Et hac etiam novissima hora ad laboriosum huiusmodi ministerii opus ineffabilis Dei providentia Ven. Clementem Mariam Hofbauer vocavit. Ortus hic in Moraviae Oppido Tasswitz anno MDCCLI. ex parentibus pauperibus, pueritiam et iuven- tutem sobrie, iuste, et pie transegit. Exploraturus vero, qua melius ratione posset sei- psum ad Christi exemplar informare, in solitudinem secessit, ubi post assiduas precationes et ieiunia ad Sacerdotium sese vocatum intellexit. Romam ideo alacriter contendit sacris disciplinis operam daturus, ac vix advenerat, miro prorsus modo in Ligorianum Institutum cooptatus est, in quo tum rigida disciplinae observantia, tum virtutum omnium studio portendit, quam fervens futurus esset novi Testamenti Minister. Sacerdotio quippe auctus a sancta Sede ad evangelisandam plebem Dei in Poloniam mittitur. Varsoviam autem ut adventavit, nullam requiem habuit caro eius, sed omnem tribulationem passus, seipsum exhibuit Dei Ministrum in multa patientia, in angustiis, in laboribus, in vigiliis, in ieiu- niis, in Spiritu sancto, in caritate, ut iis in regionibus Apostolico ejusdem zelo emendati fuerint mores, confirmata et aucta Catholica religio. Interea Operarius sane inconfusibilis pro Christo legatione fungens familiam Sancti Fundatoris, uti hic iam praenunciaverat, per Helvetiam, Daciam et Germaniam propagavit. Ast iniquitate temporum Polonia expulsus, non despondit animo; indutus enim uti erat lorica iustitiae et calceatus in praeparatione Evangelii, sumens scutum fidei, et gladium spiritus, quod est verbum Dei, Vindobonam perrexit octavo huius saeculi anno. In perillustri autem illa civitate praebens exemplum bonorum operum in doctrina, in integritate, in gravitate, annunciavit quotidie testimonium Christi non in sublimitate sermonis, nec in humanae sapientiae verbis, sed in ostensione spiritus et virtutis, et in gratia Dei ita conversatus est, ut coelestis doctrinae pabulo fideles enutriens et assiduo ministerii opere plurimas Deo lucrifecerit animas, plurimas e saeculi et VIII. De heroicis virtutibus V, Servi Dei Clementis Mariae Hofbauer. Nr. 2280.
