Circulares litterae dioecesanae anno 1872. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor

Constitutio Domatica prima de Ecclesia Christi

171

8. Idea Primatus non ex praeconceptis opinionibus Scripturae arbitrarie imponenda, sed ex ipsa Scriptura, juxta sensum SS. Patrum et Ecclesiae interpretationem intellecta, eruenda est, alioquin aedificium sine fundamento erigitur, quod vitium est eorum, qui conceptum Primatus a priori construunt, effatis Christi, testimoniis SS. Patrum, et dogmaticis Ecclesiae definitionibus adversum. Non licet corrumpere, eo minus invertere facta historica, quae in aliis Pastoralibus litteris recensita, invictissime probant, doctrinam Gallicanam, infalli- bilitatem Romani Pontificis negantem, usque ad saeculum XV. inauditam, deinde usque ad annum 1682. et ultro in una et sola universitate Parisiensi traditam, et ab omnibus scholis impugnatam fuisse.

9. Si Scripturis et toti antiquitati ulla fides, si ulla Ecclesia pro universis gentibus a Christo est instituta, haec est Romano-Catholica, nunquam interrupta Pastorum serie, per Petrum Christo conglutinata. „Hac retenta successionis Apostolicitate, Ecclesia, ut inquit Cyprianus J), ubique diffunditur, nec unitas corporis separatur. “ Unde illa Catholicorum laus : „Ergo jam non estis hospites, et advenae, sed estis cives Sanctorum et domestici Dei, superaedificati super fundamentum Apostolorum et Prophetarum, ipso summo angulari lapide Christo Jesu: in quo omnis aedificatio constructa crescit in templum sanctum in Domino, in quo et vos coaedificamini in habitaculum Dei in spiritu.“ 1 2) Hac successionis unitate profluunt in generationes saeculorum flumina gratiae et veritatis. Ex adverso „ab arbore frange ramum, fructus germinare non poterit; a fonte praecide rivum, praecisus arescet.“ 3) Ideo dixit S. Augustinus: 4) „Tenet me in Ecclesia Catholica, ab ipsa Sede B. Petri Apostoli, cui pascendas oves suas Dominus commendavit, usque ad praesentem episcopatum successio Sacerdotum.“

Dum autem Vobis VV. FF. et Filii has observationes, in quibus concinnandis conciliaria etiam, quae ad manus devenerunt, scripta in usum conversa sunt, pro ea, qua Vos complectimur caritate, et ea, qua erga vestram et curae Nostrae crediti gregis salutem ferimur sollicitudine, tradimus, haec Vobis ingeminamus S. Judae Apostoli verba: „Vos autem charissimi, memores estote verborum, quae praedicta sunt ab Apostolis Domini nostri Jesu Christi, qui dicebant Vobis, quoniam in novissimo tempore venient illusores, secundum desideria sua ambulantes in impietatibus. Hi sunt, qui segregant semet ipsos, animales, Spiritum non habentes.“ 5)

„Gratia Vobis omnibus, qui estis in Christo Jesu.“ 6)

Strigonii, festo Assumptionis B. M. V. die 15-a Augusti, 1872.

Joannes m. p. Archi-Episcopus*

1) de Unit.—-2) Ephes.2, 19—22. — 3) S. Cypr. ibid. — 4) Epist. Fund. 4.— 5) Epést. Jud. 17, 19.-6) 1. S.

Petr. 6, 14.