Circulares litterae dioecesanae anno 1871. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
XVII.
84 pauculi isti contumaces praetendebant, ut universalis Ecclesiae gubernator Romanus Pontifex ipsis, ut privatis rectoribus, in doctrina fidei et morum reddere rationem teneatur, dogmatizantibus; quod illorum spiritus privatus instruendum et regulandum habeat spiritum uuiversalis Ecclesiae, quem Christus soli Petro summati Ecclesiae suae visibilis, ejusque legitimis successoribus cum perpetua assistentia promis it.“ Pongrácz Ignatius, Ord, S. Pauli Erem. „Triumphus Pauli Pio dolo a Deo decepti“. Posonii Anno 1752. pag. 826. „Duplex ergo horti istius bis conclusi pessulus est, nimirum firmitas fidei et Constantia Sanctitatis. Utrumque praestat illi vigilantia Pastorum Ecclesiae, ac Episcoporum ejus ac praesertim Summi in terris Vicarii Christi, Pontificis Romani; qui nempe omnes haereses, abususque subnascentes illico damnat, proscribitque. Sie quidem continuam habeat assistentiam spiritus sancti, ut in rebus, quae fidem et rectos mores concernunt, definiendis, sanciendisque errare non possit“. In Viti Pichler, Societatis Jesu, et SS. Canon. Doctoris Theologia Polemica in Usum Discipulorum Universitatis Tyrnavienis Tyrnaviae 1755. recusa, et quidem Partis I. pag. 556. haec continentur: „Dico 1. Papa etiam extra Concilium Generale habet supremam potestatem obligandi totam Ecclesiam per leges a se latas.“ porro pag. 557. „Dico 2. Papa, etiam extra Concilium Generale, ex Cathedra loquens, est infallibilis. Intellige cum illa limitatione, quam de infallibilitate Conciliorum statuimus.“ Demum pag. 561. „Dico 3. Papa ex Cathedra loquens est infallibilis independenter a consensu Ecclesiae, vel intra vel extra Concilium dando. Adeo- que decreta fidei et morum, a Pontifice extra concilium facta, habent vim suam ante acceptationem et assensum Ecclesiae, ita ut omnes teneantur credere definita, et parere eius legibus justis.“ Opusculum de Hierarchia Ecclesiastica et de Primatu S. Petri Apostoli, ejusque Successorum Romanorum Pontificuml Agriae 1756.“ pag. 102—103: „Constituto Demum capite et supremo pastore fidelium, reliquum committit Ecclesia Deo, cui cura est de populo suo; nec patitur, ut a quocumque demum, praesertim vero a suo summo pastore decipiatur, et in errorem inducatur seu in fide seu in moribus. Ille enim Spiritus Sanctus, qui praestat sanctitatem et infallibilitatem Ecclesiae, ne a fide, vel bonis moribus aberret, idem praestat, aut impedit, ne quid dissonum fidei vel bonis moribus Pontifex proponat Ecclesiae universae, eamque ad illud sequendum et tenendum obliget. Hinc bene dicitur et ipse Pontifex infallibililis propter Ecclesiam, et si Ecclesia non stt infallibilis propter solum Petrum, ut privatum hominem, sed propter Spiritum Sanctum, qui et Ecclesiae et Pontifici assistit. Illi, ne passive teneat, quod revelationibus divinis repugnat; huic, ne quid ultra, aut praeter id doceat active Ecclesiam, quam quod vel ex scripturis vel ex traditionibus divinis et apo- stolicis ad salutem vel cultum divinum utile vel plane necessarium esse cognoscit. — — Atque haec est illa publica fides Petri, pro qua Dominus oravit, fides nempe Ecclesiae,
