Circulares litterae dioecesanae anno 1871. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
IX.
36 Nr. 2073. Obitus Josephi Palkovics VA- Diaconi et parochi Újlakén - sis. Concursus pro vacante parochia. Josephus Palkovics VADiaconus et parochus Ujlakensis die 22-a Aprilis a. h. post pie suscepta moribundorum sacramenta ad aeternitatem evocatus est. Vixit annos 65, in sacerdotio 40. Dum animam ejus piis Vestris suffragiis commendo, simul pro parochiali, quod tenuit, beneficio, concursum usque 10-am mensis Junii a. curr. duraturum hisce publico. Strigonii, die 1-a Maji, 1871. Nr. 2074. Obitus Jacobi Majsch. Illust. ac Ess. D. Jacobus Majsch Suae Sanctitatis Summi Pontificis Praelatus Domesticus, Praepositus de Sztrázska seu Sztrfizsa, alias Nehre, E. M. S. Lector et Canonicus Poenitentiarius, Synodalis Examinator, sacerdos jubilaris in annum decimum die 27-a mensis Aprilis a. curr. e repentino apoplexiae ictu obiit. Hac adhuc die Ecclesiam more solito adiit, choro et missae conventuali interfuit, quae decantabatur Votiva de SSmo Eucharistiae Sacramento. Dum „Genitori Genitoque“ intonaretur, in stallo suo corruit, absolutione sacramentali ab uno Collegarum donatus, qui illi collegarum manibus ad eapitularem saeristiam delato, etiam extremam Unctionem et generalem absolutionem impertitus est. Quibus peractis domum transportatus mox animam Deo reddidit. Vixit annos 84, in sacerdotio 60. De ejus pietate, religione, morum integritate communis erat consensus. His dotibus, aequabili porro vitae constantia et gravitate, quam comitati miscuit, et facilitate temperavit, cunctis acceptissimum se reddidit, cujus animam piis ad aram suffragiis commendo. Strigonii, die 1-a Maji, 1871. Mutationes in statu personali Cleri Ar- chi-Dioece- sani. Florianus Pachmann, Parochus Egyházfalvaensis factus est Parochus L. R. C. Modraensis. Franciscus Faludy, VADiaconus et Parochus Felső-Zsemberensis translatus est ad parochiam Krakovánensem. Michael Faragula, Administrator Rarbachensis factus est Parochus ibidem. Leopoldus sen. Morvay, Cooperator Comaromiensis transpositus est in pari qualitate ad Hédervár. i Strigonii, die 1-a Maji, 1871. Joannes m. p. Archi-Episcopus.
