Circulares litterae dioecesanae anno 1869. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. XII.
55 Clerus et fidelis Ecclesiae Catholicae in Hungária populus nihil plane abs se desi derari patiebatur in solemniter agendo mensis Aprilis die ll-o, quem Deus hoc anno ho norabilem orbi catholico fecit iu sacerdotali jubilaeo sui in terris Vicarii, Beatissimi Patris Pii Papae IX. Prout nostis Clerus et populus suam erga Sanctissimum Dominum nostrum filialem pietatem, profundissimam venerationem ac illibatam fidem eo etiam contestabatur, quod iterum Sacerdoti Summo Pontifici aere per Hungáriám collecto procuratam pretiosam crucem pectoralem obtulerit, insuper praesentissimis S. Sedis Apostolicae indigentiis subventurus titulo obulorum S. Petri plus quam octuaginta millia francorum praesentaverit.Ho- norificatissima provincia tenerrimi amoris, filialis pietatis et adhaesionis, gaudii item sensa solemni hac occasione in epistola gratulatoria exprimendi mihi obtigit, qua quomodo perfunctus fuerim, e tenoribus epistolae, a*d Beatissimum Patrem directae, accipite: „Sanctissime Pater! Quemadmodum raritate mirum ac illustre, ita magnitudine singulare Dei beneficium esse credimus, redundans in totam Ecclesiam Catholicam, quod quern Sacerdotem Magnum in Sanctitate Vestra Christianus orbis laetus adus que venerabatur, Eundem Jubilarem etiam cernere possit ac salutare. Probe persuasi summus Beatissime Pater! vitam Tuam, quo illa est diuturnior, eo esse Ecclesiae Christi, cujus Tu, bonis omnibus plaudentibus, vices in terris geris, utiliorem. Ac iccirco toto corde gaudemus, quod Deus ad ostendendas divitias gloriae suae longitudinem dierum tribuerit Tibi, cui, asperis his temporibus in sublimi Petri Caihedra posito, certamen forte dedit, ut vinceres, nullis allisus scopulis, nullis tumentium fluctuum tempestatibus obrutus, nullis adversariorum laqueis irretitus, sed potius divinae dexterae fortitudine protectus. Salve igitur, Sanctissime Pater! et fruere in plurimos annos venerandae senectutis gloria, quae coelestis instar doni jam olim ab Omnipotente Deo pietati adpromissa, nunc quoque dignitatis gloria pios coronat. Crucem Tibi offerimus: utpote sanctissimum consolationis plenum Insigne; certum munimen christiani pectoris; non tantum passionis, sed et triumphi symbolum. Quid etiam Tibi magis conveniret? quippe qui utrumque titulum gloriae nominis Tui junxisti. Tantum benigne fac, ut isthoc non solum fidei, sed etiam caritatis divinae signum, de Tuo pectore refulgens, memoriale Tibi sit nostri quoque in Te amoris et filialis devotionis: in cujus vicem id unice ad Tuos prostrati pedes petimus, ut omnes, qui hanc Crucem, jubilaris gaudii testem, ovantes obtulerunt, nempe fideles Hungáriáé Catholicos, ad sacrarium pectoris Tui admissos paternis Tuis affectibus inclusos retine semper. — Strigonii die 30-a Martii 1869. — Offerentis Cleri fidelisque populi nomine filiorum minimus Joannes Simor m. p. Primas Hungáriáé, et Archi-Eppus Strigoniensis.“ Nr. 2425. Epistola gia- tulafcoria Summo Pontifici, Sacerdoti ju- ; bilari scripta, — et Respou- 1 sum Beatissimi Patris in I forma Brevis Apostoliul. *
